واشنگٹن : وفاقی وزیردفاع خواجہ آصف کا کہنا ہے کہ وزیراعظم کادورہ کامیاب رہا ہے، وزیراعظم نے بھارتی جارحیت کامسئلہ امریکہ کے سامنے اٹھایاہے۔
وزیردفاع خواجہ آصف نے وزیراعظم کے دورے کو کامیاب قرار دیتے ہوئے کہا ہے کہ امریکہ نے جنوبی ایشیائی خطے کے حوالے سے پاکستان کے موقف کو سراہا اور دہشتگر دی کے خلاف جنگ میں پاک فوج کے کردار کی تعریف کی۔
انہوں نے کہا کہ امریکی صدر نے پاکستان اور افغانستان کے درمیان ڈیونڈر لائن کو سرحد تسلیم کرنے اور پاکستان کیلئے کولیشن سپورٹ فنڈ جاری رکھنے کا فیصلہ کیا ہے.
خواجہ آصف نے کہا کہ وزیراعظم نے بھارتی جارحیت کا مسئلہ امر یکہ کے سامنے اٹھایا، امریکہ چاہتاہے کہ پاکستان اور بھارت کے درمیان مسائل کا خاتمہ ہو۔ان کا مزید کہنا تھا کہ نواز اوباما ملاقات میں جوہری معاملے پر کوئی بات نہیں ہوئی ۔
خواجہ آصف نے کہا کہ پاکستان دہشت گردی کیخلاف جنگ اپنے وسائل سے لڑ رہا ہے.
اے آر وائی نیوز کی ڈیجیٹل ڈیسک کی جانب سے شائع کی گئی خبریں