لاہور: وزیراعظم نوازشریف کی نواسی مہرالنسا کی شادی میں وزیراعظم نے جو پگڑی باندھی وہ بھارتی وزیراعظم نریندرمودی کا تحفہ تھا۔
وزیراعظم نوازشریف کی نواسی مہرالنسا کی شادی عالمی توجہ کا مرکزاس وقت بنی جب بھارتی وزیراعظم نریندرمودی خاص مہمان بن کرتقریب میں شرکت کے لئے پہنچے۔
وزیراعظم نوازشریف نے جذبہ خیرسگالی کا مظاہرہ کرتے ہوئے بھارتی ہم منصب کا پرجوش استقبال کیا۔
بھارتی میڈیا نے انکشاف کیا کہ نواسی کی شادی میں نوازشریف نے جو گلابی راجھستانی پگڑی پہنی تھی وہ نریندرمودی نے تحفتا دی تھی۔
نوازشریف نے بھارتی وزیراعظم کے تحفے کو اہم تقریب میں استعمال کرکے دنیا کوبتادیا کہ پاکستان امن ومحبت چاہتا ہے اورخیرسگالی کا جواب خیرسگالی سے دینا جانتا ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں