اسلام آباد : وزیراعظم شہباز شریف نے معمولی خدمات پر پاکستان سول ایوارڈ دینے پر پابندی عائد کردی اور کہا کوئی بھی ادارہ یا وزارت میرٹ سے ہٹ کر من پسند افراد کو نامزد نہیں کرسکے گی۔
تفصیلات کے مطابق وزیراعظم شہباز شریف نے سب سے بڑے سول ایوارڈ دینے کی پالیسی میں تبدیلی کی منظوری دے دی اور معمولی خدمات پر پاکستان سول ایوارڈ دینے پر پابندی عائد کردی۔
کوئی بھی ادارہ یا وزارت میرٹ سے ہٹ کر من پسند افراد کو نامزد نہیں کرسکے گی ، پاکستان سول ایوارڈ کیلئے نامزدگی سےقبل اسکروٹنی اور ایوارڈ سفارشی کمیٹی جائزہ لے گی۔
وفاقی وزارتوں پر وزیر اعظم کو براہ راست سمری ارسال کرنے کی پابندی عائد کردی گئی ہے، نامزدافراد کی ملک کیلئے غیرمعمولی خدمات کارپورٹ میں تفصیلی جائزہ درج کیاجائے گا۔
وفاقی وزارتیں،ادارےسفارشات اسکروٹنی رپورٹ کیساتھ کابینہ ڈویژن کو بھیجیں گے،جس پر کابینہ ڈویژن نے 30 اپریل تک متعلقہ اداروں سے نامزدگیاں طلب کرلیں۔
