اسلام آباد: وزیر اعظم شہباز شریف کا کہنا ہے کہ کوپ 27 میں ازالہ جاتی فنڈ کا قیام موسمیاتی انصاف کے ہدف کی طرف پہلا اہم قدم ہے۔
تفصیلات کے مطابق وزیر اعظم شہباز شریف نے سماجی رابطے کی ویب سائٹ ٹویٹر پر اپنے ٹویٹ میں کہا کہ کوپ 27 میں ازالہ جاتی فنڈ کا قیام موسمیاتی انصاف کے ہدف کی طرف پہلا اہم قدم ہے۔
وزیر اعظم کا کہنا تھا کہ یہ عبوری کمیٹی پر منحصر ہے کہ وہ اس تاریخی ترقی کو آگے بڑھائے۔
انہوں نے مزید کہا کہ وزیر برائے کلائمٹ چینج شیری رحمٰن اور ان کی ٹیم کی کوششیں قابل تعریف ہیں۔
The establishment of loss & damage fund at the UN climate summit is the first pivotal step towards the goal of climate justice. It is up to the transitional committee to build on the historic development. I appreciate @sherryrehman & her team for their contribution & hard work.
— Shehbaz Sharif (@CMShehbaz) November 20, 2022
خیال رہے کہ مصر میں ہونے والے ماحولیاتی سمٹ کوپ 27 میں پاکستان کی کوششوں کے نتیجے میں تاریخی معاہدہ طے پا گیا جس کے تحت ماحولیاتی نقصان سے متاثرہ ترقی پذیر ممالک کو معاوضہ دیا جائے گا۔
اس معاہدے سے ترقی پذیر ممالک کو ماحولیاتی تبدیلی کے باعث تباہی سے نمٹنے اور بحالی میں مدد ملے گی۔