وزیراعظم نے پی سی بی کو بھارت کے ساتھ کرکٹ روابط قائم کرنے روک دیا -
The news is by your side.

Advertisement

وزیراعظم نے پی سی بی کو بھارت کے ساتھ کرکٹ روابط قائم کرنے روک دیا

اسلام آباد: وزیراعظم نواز شریف نے پاکستان کرکٹ بورڈ کو بھارت کے ساتھ کرکٹ روابط قائم کرنے روک دیا ہے۔

وزیراعظم نے ہدایت کی ہے کہ حکومتی اجازت کے بغیر پاکستانی کرکٹ ٹیم کا دورہ بھارت ترتیب دیا جائے نہ ہی بھارت کے ساتھ کرکٹ روابط کی بحالی کے لیے بات کی جائے۔

اس سے قبل وفاقی وزیر داخلہ چوہدری نثار علی خان نے کہا تھا کہ وہ پاکستانی ٹیم کے بھارت جا کر کھیلنے کی مخالفت کریں گے اور اس سلسلے میں وہ وزیراعظم سے بات کریں گے۔

وزیرداخلہ کے بیان پر چیر مین پی سی بی نے ردعمل ظاہر کرتے ہوئے کہا تھا کہ وفاقی وزیر داخلہ کا بیان نا مناسب سمجھتے ہیں۔

چیئرمین پی سی بی شہریار خان نے میڈیا سے گفتگو کرتے ہوئے کہا تھا کہ بھارت کے ساتھ سریز کھیلنا چاہتے ہیں تاہم موجودہ حالات میں ایسا ہوتا ممکن نظرنہیں آرہا۔

واضح رہے کہ بھارت نے پی سی بی کو دعوت دی تھی کہ پاک بھارت مختصر سیریز کھیلنے کیلئے پاکستانی ٹیم بھارت آجائے۔

اس سے قبل پی سی بی نے بھارت کے سیکورٹی خدشات پریواے ای میں سیریز کھیلنے کی دعوت دی تھی۔

Comments

comments

یہ بھی پڑھیں