تازہ ترین

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

وزیراعظم کا پنجاب بھر میں قبضہ مافیا کے خلاف جامع آپریشن کا حکم

اسلام آباد: وزیراعظم عمران خان نے پنجاب بھر میں قبضہ مافیا کے خلاف جامع آپریشن کا حکم دے دیا۔

اے آر وائی نیوز کی رپورٹ کے مطابق وزیراعظم عمران خان کی زیر صدارت راوی اربن ڈیولپمنٹ سے متعلق اجلاس ہوا جس میں وزیراعظم کو راوی اربن ڈیولپمنٹ منصوبے میں پیش رفت پر بریفنگ دی گئی، آئی جی پنجاب نے وزیراعظم کو غیرقانونی ہاؤسنگ اسکیموں پر بھی بریفنگ دی۔

وزیراعظم کو غیرقانونی ہاؤسنگ سوسائٹیز کے خلاف کارروائیوں کی رپورٹ پیش کی گئی، وزیراعظم کو بریفنگ دی گئی کہ 2016 اور 2017 میں مختلف ڈیولپمنٹ اتھارٹیز نے ریفرنس بھیجے، ڈیولپمنٹ اتھارٹیز کی درخواست کے باوجود ایف آئی آر کا اندراج نہیں ہوا تھا۔

آئی جی پنجاب کا کہنا تھا کہ 906 ریفرنسز، ایف آئی آر کی درخواستوں پر عملدرآمد ہوا تھا، 895 ایف آئی ایف آر فوری طور پر درج کرلی گئی ہیں، ایک کیس اسٹے آرڈر ہے باقی درخواستیں واپس لی جاچکی ہیں، واضح رہے کہ وزیراعظم نے انکوائری کی ایک ہفتے میں رپورٹ دینے کی ہدایت کی۔

مزید پڑھیں: وزیراعظم کی قبضہ مافیا کے محلات گرانے پر وزیراعلیٰ پنجاب کومبارکباد

وزیراعظم نے آئی جی پنجاب، چیف سیکریٹری کو صوبے بھر میں آپریشن کا حکم دیتے ہوئے کہا کہ قبضہ مافیا معاشرے کا ناسور بن چکا ہے، قبضہ مافیا کے خلاف کارروائیوں کی رپورٹ ہر ہفتے پیش کریں۔

عمران خان نے کہا کہ اوورسیز پاکستانیوں کی زمینوں پر قبضہ فوری ختم کروائیں، ساری زندگی کی جمع پونجی پاکستان لانے والوں کی داد رسی کی جائے۔

Comments

- Advertisement -
عبدالقادر
عبدالقادر
عبدالقادر پچھلے 8برس سے اے آر وائی نیوز میں بطور سینئر رپورٹر خدمات انجام دے رہے ہیں، آپ وزیراعظم عمران خان اور حکمراں جماعت پاکستان تحریک انصاف سے جڑی خبروں اور سیاسی معاملات پر گہری نظر رکھتے ہیں۔