اسلام آباد: وزیراعظم میاں محمد نواز شریف نے نجی اسکولوں کی فیسیں نا بڑھانے کا حکم دے دیا ہے۔
تفصیلات کے مطابق آج بروز اتوار وزیراعظم نواز شریف نے اعلان کیا ہے کہ سال 2015 میں نجی اسکولوں کی فیسوں میں اضافہ نہیں کیا جائے۔
وزیراعظم نے وزارت تعلیم اورکیڈ کواحکامات جاری کردئیے ہیں، انکا کہنا ہے کہ وزارتِ تعلیم اور کیڈ اس معاملے پر دیگر تمام اسٹیک ہولڈرزسے مشاورت کرے گی۔
واضح رہے کہ رواں ماہ نجی اسکولوں نے فیس کی مد میں ہوشربا اضافہ کردیا تھا جس کے خلاف طلبہ اور والدین کی جانب سے احتجاج کیا جارہاتھا۔
اس معاملے پر وزیراعلیٰ پنجاب نے سخت موقف اپناتے ہوئے نجی اسکولوں کو فیس نہ بڑھانے کی ہدایت کی تھی جبکہ سندھ حکومت نے نجی اسکولوں کی فیس میں 10 فیصد اضافہ منظورکرلیا تھا۔
