The news is by your side.

Advertisement

بہاولپورسانحہ: وزیراعظم نوازشریف کامکمل انکوائری کرانےکا اعلان

بہاولپور: وزیراعظم نوازشریف نےبہاولپور آئل ٹینکرحادثےکےمتاثرین اور ان کے اہل خانہ سے دلی ہمدردی کا اظہار کرتے ہوئےکہاکہ متاثرین کودیاجانےوالامعاوضہ ان کےپیاروں کی زندگی کانعم البدل نہیں ہے۔

تفصیلات کےمطابق وزیراعظم نوازشریف احمد پورشرقیہ میں جائے حادثہ پرپہنچےتو ان کے ہمراہ وزیراعلیٰ پنجاب شہبازشریف بھی موجود تھے۔

وزیراعظم پاکستان نے میڈیا سےگفتگوکرتے ہوئےبہاولپور سانحے سےمتعلق مکمل انکوائری کرانے کے اعلان کرتے ہوئےکہاکہ حادثے کی تہہ تک پہنچیں گے۔

وزیراعظم نوازشریف نےکہاکہ آئل ٹینکر حادثے میں جاں بحق افراد کے لواحقین کو 20لاکھ جبکہ زخمیوں کو 10 لاکھ روپے دیے جائیں گے۔

انہوں نےکہاکہ متاثرین کودیاجانےوالامعاوضہ ان کےپیاروں کی زندگی کانعم البدل نہیں۔وزیراعظم نے سانحےکےجاں بحق وزخمیوں کےلواحقین کونوکریاں دینےکااعلان بھی کیا۔

اس موقع پروزیراعظم نوازشریف کا کہناتھاکہ آج سیاست کاموقع نہیں،کل کچھ لوگوں نےیہاں آکرسیاست کی آج سیاست کاموقع نہیں،کل کچھ لوگوں نےیہاں آکرسیاست کی۔

دوسری جانب وزیراعلیٰ پنجاب شہبازشریف نے میڈیا سے بات کرتے ہوئے کہاکہ سانحہ احمدپورشرقیہ کےباعث ہردل غمگین ہے۔

شہبازشریف کا کہناتھاکہ سانحےکےفوری بعد چیف آف آرمی ا سٹاف سےرابطہ کیا۔انہوں نےکہاکہ پاک فوج نے بھی امدادی کاموں میں بڑھ چڑھ کر حصہ لیا۔

وزیراعلیٰ پنجاب نےکہاکہ فرانزک جانچ سےچنددن میں لاشوں کی شناخت کاعمل مکمل ہوجائےگا۔انہوں نےکہاکہ سانحہ احمد پور شرقیہ کے سبب عید سادگی سے منائی جائے۔

اس سے قبل وزیراعظم میاں محمدنوازشریف آئل ٹینکر سانحے میں زخمی ہونے والے افراد کی عیادت کرنے کے لیے وکٹوریہ اسپتال پہنچے جہاں انہوں نے زخمیوں کی عیادت اور امدادری چیک تقسیم کیے۔

خیال رہےکہ وزیراعظم کی بہاولپور آمد پر کشمنربہاولپور ثاقب ظفرنے وزیراعظم کو سانحے سے متعلق بریفنگ دی اور امدادی سرگرمیوں سےمتعلق وزیراعظم کو آگاہ کیاگیا۔

کمشنربہاولپور نے بریفنگ کےدوران بتایا کہ کراچی سے بہاولپور جانے والے ٹینکر میں 25ہزار لیٹر تیل تھا اور حادثہ 6 بجکر 20 منٹ پر پیش آیا۔

ثاقب نثار نے وزیراعظم کوبتایا کہ آئل ٹینکر دھماکےسےپھٹا جس کی زد میں 265افراد کو اپنی لپیٹ میں لیا اور اس سانحے میں 140افراد جاں بحق جبکہ 125افراد زخمی ہوئے۔

وزیراعظم سانحہ احمدپورشرقیہ کےباعث دورہ لندن مختصرکرکے آج صبح بہاولپورپہنچے تووزیراعلیٰ پنجاب شہبازشریف،وزیر مملکت بلیغ الرحمان اوراراکین قومی وصوبائی اسمبلی نےان کا استقبال کیا۔


بہاولپور: آئل ٹینکر میں آگ لگنے سے 140 افراد جاں بحق


واضح رہےکہ گزشتہ روزبہاولپورمیں احمد پور شرقیہ کے قریب آئل ٹینکر دھماکےکے نتیجےمیں 140 افراد جاں بحق جبکہ 146 افراد زخمی ہوگئےتھے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

Print Friendly, PDF & Email

Comments

comments

یہ بھی پڑھیں