اسلام آباد: ورزیر اعظم نوازشریف نے دہشت گردی کے خاتمے کے عزم کا اظہار کرتے ہوئے کہا ہے کہ آخری دہشت گرد کے خاتمے تک آپریشن جاری رہے گا۔
وزیراعظم نوازشریف آج حب آئل ریفائنری کا افتتاح کرنےکے لئے حب آئے تھے۔
افتتاح کے موقع پر خطاب کرتے ہوئے وزیراعظم کا کہنا تھا کہ کراچی ایئر پورٹ پرحملے کے بعد دہشت گردوں سے مذاکرات کی گنجائش نہیں ہے۔
وزیراعظم نواز شریف حب میں آئل ریفائنری کے افتتاح کے بعد امن و امان کی صورتحال کے جائزے کیلئے کراچی بھی آئے۔
اس موقع پرگورنرہاؤس کراچی میں ایک اعلیٰ سطحی اجلاس منعقد ہوا جس میں وزیراعلیٰ سندھ قائم علی شاہ نے وزیراعظم کو یقین دلایا کہ اپیکس کمیٹی کے فیصلوں پرعمل کیا جارہا ہے۔
وزیراعظم نے اس موقع پرکراچی سے تمام مافیازکا خاتمہ کرنے کے عزم کا اظہارکیا۔
وزیراعظم نے دہشتگردوں کے ما لی نیٹ ورک توڑنے کیلئےتمام وسائل استعمال کرنےکا حکم بھی دیا۔
