The news is by your side.

Advertisement

وزیراعظم کا اداکارہ نیلو بیگم اور رہنما پی ٹی آئی شاہد گوندل کے انتقال پر اظہار افسوس

اسلام آباد: وزیراعظم عمران خان نے اداکار شان کی والدہ نیلو بیگم اور پی ٹی آئی رہنما شاہد نسیم گوندل کے انتقال پر گہرے دکھ اور افسوس کا اظہار کیا ہے۔

تفصیلات کے مطابق سماجی رابطے کی ویب سائٹ ٹوئٹر پر جاری اپنے بیان میں وزیراعظم نے اداکار شان سے ان کی والدہ نیلوبیگم کے انتقال پر دکھ اور افسوس کا اظہار تعزیت کیا اور لواحقین سے صبر جمیل کی دعا کی، وزیراعظم نے اپنے ٹوئٹ میں کہا کہ میری تمام تر ہمدردیاں اور دعائیں شان شاہد کے ساتھ ہیں۔

واضح رہے کہ پاکستانی فلموں کی معروف اداکارہ نیلو بیگم گذشتہ روز لاہور میں انتقال کرگئیں تھیں، وہ گزشتہ کافی عرصہ سے کینسر کے مرض میں مبتلا تھیں، اداکارہ نیلو بیگم اداکار شان کی والدہ تھیں، نیلو بیگم کے انتقال کی اطلاع ان کے صاحبزادے اور پاکستانی فلموں کے نامور اداکار شان شاہد نے سماجی رابطے کی ویب سائٹ ٹویٹر پیغام میں دی تھی۔

https://twitter.com/mshaanshahid/status/1355534488563015680?s=20

دوسری جانب وزیراعظم نے پی ٹی آئی رہنما شاہد نسیم گوندل کے انتقال پر ٹوئٹ کرتے ہوئے کہا کہ شاہد گوندل کی رحلت پر نہایت افسردہ ہوں، وہ ہمارے وفا شعار ترین کارکنان میں سے ایک تھا جو سیاسی مافیاز کیخلاف جدوجہد میں ہمارے شانہ بشانہ رہا، میری دعائیں اور ہمدردیاں انکے اہلِ خانہ کے ساتھ ہیں۔

منڈی بہاؤالدین کی صوبائی اسمبلی سے پاکستان تحریک انصاف کے ٹکٹ ہولڈر شاہد نسیم گوندل گذشتہ روز کرونا وائرس کے باعث انتقال کرگئے تھے، پچھلے دو ماہ سے وہ ملٹری اسپتال راولپنڈی میں داخل تھے، شاہد نسیم گوندل کیپٹل ڈویلپمنٹ اتھارٹی اور اسلام آباد کے مشہور وکیل اور قانونی مشیر تھے۔

Comments

یہ بھی پڑھیں