The news is by your side.

Advertisement

طاہر القادری کا نام ای سی ایل میں نہیں‌ ڈالیں‌ گے، زینب کا قاتل جلد پکڑا جائے گا: وزیر اعظم

اسلام آباد: وزیر اعظم شاہد خاقان عباسی نے کہا ہے کہ زینب کا قاتل جلد پکڑا جائے گا، قاتل کی گرفتاری کی پوری کوشش کررہے ہیں.

ان خیالات کا اظہار انھوں نے ایک ٹی وی انٹرویو میں‌ کیا. وزیر اعظم کا کہنا تھا کہ قاتل کوپکڑنے کے لیے تمام وسائل استعمال کیے جارہے ہیں، پنجاب حکومت یا پولیس میں مجھے کوئی کوتاہی نظر نہیں آ تی، ترقی یافتہ ممالک میں بھی سیریل کلرطویل عرصے تک پکڑے نہیں جاتے۔

وزیراعظم کا کہنا تھا کہ ڈاکٹر طاہر القادری پاکستانی شہری نہیں ہیں، حکومت ان کا نام ای سی ایل میں ڈالنے کا کوئی ارادہ نہیں رکھتی۔

انھوں نے عمران خان اور شیخ رشید کی جانب سے پارلیمنٹ پر تنقید پر تبصرہ کرتے ہوئے کہا کہ پارلیمنٹ پر لعن طعن کرنے والے اپنے اوپر لعن طعن کر رہے ہیں، پارلیمنٹ نے اپنے خلاف بیانات کا نوٹس لے لیا ہے۔

اگر پارٹی کہے گی، تو اسمبلی تحلیل کردوں‌ گا: وزیر اعظم

زینب قتل کیس سے متعلق ان کا کہنا تھا کہ سی سی ٹی وی ویڈیو موجود ہے، پھر بھی ملزم کو پکڑنے میں مشکلات کا سامنا رہا، مگر امید ہے کہ شواہد کی مدد سے ملزم جلد پکڑا جائے گا۔

انھوں‌ نے مزید کہا کہ قصور میں احتجاج کے دوران فائرنگ کی تحقیقات ہو رہی ہیں، یہ واقعہ افسوس ناک ہے.


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

comments

یہ بھی پڑھیں