ملک میں تمام ترقیاتی کام ن لیگ ہی کرواتی ہے،نواز شریف -
The news is by your side.

Advertisement

ملک میں تمام ترقیاتی کام ن لیگ ہی کرواتی ہے،نواز شریف

کہوٹہ : وزیر اعظم پاکستان نواز شریف نے کہا کہ مسلم لیگ (ن) کے دور میں ترقی کام ہوتے ہیں ہم نے تن تنہا ملک کی ترقی کا بیڑہ اُٹھایا ہے حالانکہ اس ملک میں پیپلزا پارٹی کی حکومت بھی رہی اور پرویز مشرف بھی حکومت میں رہے۔

تفصیلات کے مطابق وایراعظم پاکستان میاں محمد نواز شریف نے نڑھ کے مقام پر جلسے سے خطاب کرتے ہوئے کہا کہ اگر موٹر وے بنی ہے رو مسلم لیگ ن کے دور میں بنتی ہے، ایٹمی دھماکہ ہوتا ہے تو مسلم لیگ ن کے دور میں ہوتا ہے دفاعی ترقی ہوتی ہے تو وہ بھی ہمارے دور میں ہوتی ہے اور ترقی کا ہر پراجیکٹ ہمارے دور میں پورا ہوتا ہے۔

جب کہ اس ملک میں پیپلز پارٹی کی حکومت نھی تھی اور پرویز مشرف جیسے آمر نے بھی طویل حکمرانی کی لیکن کوئی بھی ملک میں ایسے ترقیاتی پراجیکٹس مکمل نہ کروا سکا کیوں کہ عوام کے مسائل کا ادراک بھی ہمیں ہے اور اس کا سدباب بھی ہم ہی کرتے ہیں۔

وزیراعظم نے کہوٹہ کے عوام کو خوشخبری سناتے ہوئے کہا کہ نڑھ نھی ترقی کررہا ہے، کہوٹہ بھی ترقی کررہا ہے، اور ہمارے مخالفین کو پتہ ہے کہ کہوٹہ میں بھی گیس آرہی ہے،اُن کو معلوم ہے کہ بجلی بھی آرہی ہے اور دو رویہ سڑکیں بھی آرہی ہیں۔

انہوں نے تحریک انصاف کا ذکر کیے بغیر کہا کہ ہمارے مخالفین ہم ہر الزامات کی بارش کرتے ہیں کیا ایسے مسلسل جھوٹ بولنے والے لوگ آپ کے نمائندے ہو سکتے ہیں؟

انہوں نے کہا کہ ہمارے مخالفین یہی چاہتے ہیں کہ کسی طرح ملک 50 سال پیچھے چلا جائے، ملک میں ترقی نہ ہو ،موٹر وے نہ بنے، اسکول کالجز کی تعمیر نہ ہو اور اسپتال نہ بنیں ملک پستی کی جانب بھی سفر کرتا رہے۔

وزیراعظم پاکستان نے نڑھ کے عوام کے لیے اسلام آباد تک رسائی کی مشکلات کا ذکر کرتے ہوئے کہا کہ شاہد خاقان عباسی سے صلح مشورہ کر کے میں نے فیصلہ کیا کہ اس پہاڑی علاقے میں ٹنل بنائے جائیں تا کہ یہاں کی عوام بہتر اور تیز تر سفری سہولیات حاصل کر پائیں۔

انہوں نے پاک چین اقتصادی راہداری کا تذکرہ کرتے ہوئے کہا کہ چین کے ذریعے درآمدی اشیاء بہ راستہ پاکستان پوری دنیا میں جایا کرے گا جس سے ترقی اور خوشحالی کا نیا دور شروع ہو گیا۔

وزیراعظم نے کہا کہ ہم نے دہشت گردی کو سختی سے کچلنے کا فیصلہ کیا اور تین سال کے اندر اندر قانون نافذ کرنے والے اداروں کی پیشہ ورانہ مہارت اور بہادری کے باعث دہشت گردوں کی کمر توڑ دی ہے۔

انہوں نے کہا شاہد خاقان عباسی نے میرے ہمراہ بڑی بہادری سے جیل کاٹی ہے اور دوران حراست کبھی لبوں پر اُف تک نہیں لائے ہیں ہمیں ملک میں ترقیاتی کام کروانے کی سزا دی گئی ہے۔

وزیراعظم نے کہا کہ کہوٹہ اور نڑھ خوبصورتی سیاحی مرکز ہے جو قدرتی حسن سے مالا مال ہے ہم اس علاقے کو ایسا بنائیں کہ لوگ مری کے ساتھ ساتھ یہاں بھی سیر اور تفریح کی غرض سے آیا کریں گے۔

Comments

comments

یہ بھی پڑھیں