وزیر اعظم سیکریٹریٹ کا متحدہ رہنماؤں سے رابطہ، گرفتار خواتین کی تفصیلات طلب -
The news is by your side.

Advertisement

وزیر اعظم سیکریٹریٹ کا متحدہ رہنماؤں سے رابطہ، گرفتار خواتین کی تفصیلات طلب

کراچی: وزیراعظم سیکریٹریٹ نے ایم کیو ایم پاکستان کے رہنماؤں سے رابطہ کیا ہے اور گرفتار خواتین کارکنان کی تفصیلات طلب کرلیں۔

تفصیلات کے مطابق ایم کیو ایم پاکستان کی جانب سے کچھ دیر قبل کی جانے والی پریس کانفرنس میں وزیر اعظم سمیت اعلیٰ مقتدر حلقوں سے خواتین کارکنان کی گرفتاری اور اُن کے ریمانڈ کے حوالے سے نوٹس لینے کا مطالبہ کیا گیا تھا جس کے بعد وزیر اعظم سیکریٹریٹ کی جانب سے ایم کیو ایم رہنماؤں سے رابطہ کر کے تمام خواتین کی تفصیلات طلب کی گئیں۔

پڑھیں:  لائنزایریا میں چھاپہ، اے آر وائی پر حملہ کرنے والی 2 خواتین گرفتار

ترجمان ایم کیو ایم نے وزیر اعظم سیکریٹریٹ سے رابطے کی تصدیق کرتے ہوئے کہا کہ ’’گرفتار خواتین کی  تمام معلومات دے دی گئی ہیں جن میں ایم کیو ایم شعبہ خواتین کی جوائنٹ انچارج رابعہ ماجد، اُن کی صاحبزادی و بلدیاتی کونسلر قرۃ العین ، سمیرا سمیت 9 گرفتار خواتین کی تفصیلات مہیا کردی گئی ہیں۔

ایم کیو ایم کے ترجمان نے کہا کہ ٹیلی فون رابطے میں موجودہ سیاسی صورتحال و دیگر معاملات پر بھی تفصیلی گفتگو ہوئی۔

مزید پڑھیں:   اے آر وائی نیوز کے دفترپر حملہ،ایم کیو ایم کی 2خواتین گرفتار

یاد رہے کہ 22 اگست کو کراچی پریس کلب کے باہر اشتعال انگیز تقریر کے بعد ایم کیو ایم کے کارکنان بشمول خواتین نے اے آر وائی نیوز پر دھاوا بولا کر اندر موجود آفس اسٹاف پر تشدد کیا اور املاک کو شدید نقصان پہنچایا۔

خبر پڑھیں:  اے آر وائی نیوز پر حملے میں ملوث ایم کیو ایم کی3خواتین کا چار روزہ ریمانڈ منظور

بعد ازاں قانون نافذ کرنے والے اداروں نے سی سی ٹی وی فوٹیج کی مدد سے کراچی کے مختلف علاقوں لائنز ایریا، کورنگی، سول اسپتال و دیگر علاقوں سے متحدہ قومی موومنٹ کی شعبہ خواتین سے تعلق رکھنے والی 9 خواتین کو گرفتار کیا تھا جن میں سے آج 3 خواتین کو انسداد دہشت گردی کی عدالت میں پیش کیا گیا جہاں جج نے انہیں 4 روز کے ریمانڈ پر پولیس کے حوالے کردیا ہے۔

Comments

comments

یہ بھی پڑھیں