شرم الشیخ : وزیراعظم شہبازشریف اور سعودی ولی عہد شہزادہ محمد بن سلمان نے ملاقات میں بڑھتے ہوئے اعلیٰ سطح کے روابط پر اطمینان کا اظہار کیا۔
تفصیلات کے مطابق وزیراعظم شہبازشریف کی سعودی ولی عہد اور وزیراعظم شہزادہ محمد بن سلمان سے ملاقات ہوئی۔
ملاقات میں باہمی دلچسپی کے علاقائی اور عالمی امور پر بھی تبادلہ خیال کیا گیا، وزیراعظم نے کہا کہ پاکستان سعودی عرب کے ساتھ روابط کوبہت زیادہ اہمیت دیتاہے۔
اس موقع پر وزیراعظم نے 20 لاکھ پاکستانیوں کیلئے سعودی عرب کی مہمان نوازی کو بھی سراہا۔
وزیراعظم اور سعودی ولی عہد نے بڑھتے ہوئے اعلیٰ سطح کے روابط پر اطمینان کا اظہار کرتے ہوئے شراکت داری کو مزید تقویت دینے کے عزم کا اظہار کیا۔
شہباز شریف نے کہا کہ سعودی ولی عہد کا دورہ باہمی دلچسپی کےتمام شعبہ جات میں معاون ہوگا، پاکستان ماحولیاتی تبدیلی سےسب سےزیادہ متاثرہونیوالےممالک میں شامل ہے۔
