تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

وزیراعظم شہباز شریف کا اسلام آباد میٹرو بس منصوبے میں تاخیر کی تحقیقات کا حکم

اسلام آباد : وزیراعظم شہباز شریف نے اسلام آباد میٹرو بس منصوبے میں تاخیر پر تحقیقات کا حکم دیتے ہوئے ذمہ داروں کا تعین کرنےکی ہدایت کردی۔

تفصیلات کے مطابق وزیراعظم شہباز شریف نے پشاورموڑ تا نیو اسلام آباد ایئرپورٹ میٹروبس سروس منصوبے کا دورہ کیا اور 4 سال سے التوا کے شکار منصوبے کا جائزہ لیا۔

اس موقع پر وزیراعظم شہبازشریف کو اسلام آباد میٹرو کے حوالے سے تفصیلی بریفنگ دی ، وزیراعظم نے سوال کیا کہ اسلام آباد میٹرومنصوبہ طویل عرصے سے کیوں التوا کا شکار رہا؟ منصوبے پر التوا کا کوئی جواز نہیں بنتا۔

بریفنگ میں بتایا گیا کہ ابتدائی طور پر اسلام آباد میٹرو کیلئے 15بسیں مہیاکی جارہی ہیں اور ہفتے کے روز سے بسیں چلائی جائیں گی۔ جس پر شہباز شریف کا کہنا تھا کہ موٹروے پر اسلام آباد میٹرو کا ایک اسٹیشن ہونا چاہیے۔

.وزیراعظم شہبازشریف نے میٹرو بس منصوبے کے التوا کی انکوائری کا حکم دیتے ہوئے کہا 16بلین خرچ ہونےکےباوجودمنصوبہ التوا کا شکار ہونا قابل افسوس ہے۔

شہباز شریف نے ہدایت کی کہ میٹروبسوں میں سامان رکھنےکی سہولت بھی مہیاکی جائے اور عوامی مفاد کے منصوبوں کو جلد مکمل کیا جائے۔

وزیراعظم نے سی ڈی اے کو 16 اپریل کو پشاور موڑ ائیرپورٹ میٹرو سروس چلانے اور بارہ کہو، روات سے پشاور موڑ تک میٹرو سروس کی فزیبلیٹی رپورٹ تیار کرنے کا حکم دے دیا۔

اس حوالے سے پاکستان مسلم لیگ (ن) کی ترجمان مریم اورنگزیب نے بیان میں کہا کہ وزیراعظم 7بجے اسلام آبادمیٹرو بس سروس پرکام کاجائزہ لینے پہنچے، منصوبہ نوازشریف کےدورمیں2017 میں شروع ہوا تھا، منصوبے کو 2018 میں مکمل ہونا تھا لیکن5سال تاخیرہوئی اور منصوبے پرکام مکمل نہیں ہوا۔

مریم اورنگزیب کا کہنا تھا کہ وزیراعظم نے منصوبےمیں تاخیرپرتحقیقات کاحکم دےدیا اور ذمہ داروں کا تعین کرنےکی ہدایت کی ہے۔

ترجمان نے بتایا کہ رمضان میں میٹروسروس مفت چلانےکاحکم دیا ہے ، رمضان میں شہری مفت سفری سہولت حاصل کریں گے۔

Comments

- Advertisement -