The news is by your side.

Advertisement

وزیراعظم کا افغانستان میں زلزلے سے قیمتی جانوں کے ضیاع پر افسوس، ہر ممکن مدد کی یقین دہانی

اسلام آباد : وزیراعظم شہباز شریف نے افغانستان میں زلزلے سےقیمتی جانوں کےضیاع پر افسوس کا اظہار کرتے ہوئے افغان عوام کو ہر ممکن مدد فراہم کرنے کی یقین دہانی کرادی۔

تفصیلات کے مطابق وزیراعظم شہباز شریف نے افغانستان میں زلزلے سےقیمتی جانوں کےضیاع پر افسوس کا اظہار کرتے ہوئے کہا کہ مشکل کی گھڑی میں افغان بھائیوں ،بہنوں کے ساتھ ہیں۔

شہباز شریف کا کہنا تھا کہ زلزلے سے نقصانات خاص طور پر پکتیکا میں اموات پردلی افسوس ہے، پاکستان کی طرف سے افغان عوام کو ہر ممکن مدد فراہم کریں گے۔

وزیراعظم نے متعلقہ پاکستانی حکام کو افغانستان کی مدد کی ہدایت کرتے ہوئے جاں بحق افراد کی مغفرت اور اہل خانہ کے لئے صبر جمیل کی دعا کی۔

شہباز شریف نے زخمیوں کی جلد صحت یابی کیلئےدعا اور متاثرہ خاندانوں سے ہمدرد کا اظہار کیا۔

مزید پڑھیں : افغانستان میں قیامت خیز زلزلہ، 255 افراد جاں بحق

یاد رہے افغانستان کے دارالحکومت کابل سمیت دیگر شہروں میں خوفناک زلزلے نے تباہی مچادی، قیامت خیز زلزلے کے نتیجے میں دو سو پچپن افراد ہلاک ہو گئے۔

افغان نائب وزیراطلاعات ذبیح اللہ مجاہد نے اے آر وائی نیوز سے گفتگو میں بتایاکہ کابل سمیت افغانستان کے مختلف حصوں میں رات گئے چھ اعشاریہ ایک شدت کا زلزلہ آیا۔

ذبیح اللہ مجاہد کا کہنا تھا کہ پکتیا سب سے زیادہ متاثر ہوا جہاں اب تک دو سو پچپن افراد جاں بحق اورڈیڑھ سوسے زائد زخمی ہوئے ہیں اور سیکڑوں گھر تباہ ہوگئے جبکہ بہت سے لوگ ملبے تلے دبے ہیں۔۔ جنہیں نکالنے کیلئے امدادی کارروائیاں شروع کردی گئی ہیں۔

Comments

یہ بھی پڑھیں