The news is by your side.

Advertisement

شہباز شریف کا بیورو کریسی قوانین میں اصلاحات لانے کا فیصلہ

اسلام آباد : وزیراعظم شہباز شریف نے بیوروکریسی قوانین میں تبدیلیاں کرنے اور اس میں ضروری اصلاحات لانے کا فیصلہ کرلیا۔

اس حوالے سے ذرائع کا کہنا ہے کہ وزیراعظم شہباز شریف نے ہائی پاور کمیٹی تشکیل دینے کی منظوری دے دی ہائی پاورکمیٹی کے سربراہ سابق سینئر بیورو کریٹ ناصرمحمود کھوسہ ہونگے۔

کمیٹی میں سابق چیف سیکرٹریز، سابق وفاقی سیکرٹریز اور سابق آئی جیز شامل ہونگے، کمیٹی کےدیگراراکین کا تعین کمیٹی سربراہ ناصرمحمود کھوسہ خود کریں گے۔

ذرائع کے مطابق کمیٹی کسی بھی محکمے سے متعلق کارکردگی کاجائزہ لے کر سفارش کرسکے گی، وزیراعظم کی ہدایت ہے کہ ہائی پاور کمیٹی صورتحال کا جائزہ لینے کے بعد تجاویز فراہم کرے، ناصر کھوسہ بہترین، انتہائی قابل اور تجربہ کار بیورو کریٹ ہیں۔

ذرائع کا کہنا ہے کہ ہائی پاور کمیٹی بیورو کریسی کے تحفظات اور دیگر مسائل کا جائزہ اور بیوروکریسی کے تحفظات ختم کرنے پر تجاویز دے گی۔

مذکورہ کمیٹی نیب قوانین سمیت آرڈیننس میں تبدیلیوں پر تجاویز تیار کرے گی اور ریفارمز لانے سے متعلق پلاننگ بھی تشکیل دے کر آگاہ کرے گی۔،

اس کے علاوہ کمیٹی سینئر بیوروکریٹس کی کارکردگی، اقدامات پر تجاویز دے سکتی ہے، ذرائع کے مطابق بیورو کریٹس کے تحفظات سمیت دیگر مسائل کو دیکھتے ہوئے کمیٹی بنانے کا فیصلہ ہوا۔

Comments

یہ بھی پڑھیں