The news is by your side.

Advertisement

وفاقی کابینہ کی تشکیل : وزیراعظم نے اتحادیوں کو آج افطار ڈنر پر مدعو کرلیا

اسلام آباد : وزیراعظم شہبازشریف نےاتحادیوں کو آج افطار ڈنر پر مدعوکر لیا، اتحادی رہنماوں سے مشاورت کے بعد آج کابینہ کے ناموں کو حتمی شکل دئیے جانے کا امکان ہے۔

تفصیلات کے مطابق وفاقی کابینہ کی تشکیل کے معاملے پر وزیراعظم شہبازشریف نےاتحادیوں کو آج افطار ڈنر پر مدعوکر لیا ، جس میں اتحادی رہنماوں سے وفاقی کابینہ کی تشکیل پر مشاورت ہو گی۔

پیپلز پارٹی کابینہ میں شمولیت سے متعلق فیصلہ تاخیر کا شکار ہے تاہم آج کابینہ کے ناموں کو حتمی شکل دئیے جانے کا امکان ہے۔

خیال رہے پیپلز پارٹی کو وفاقی حکومت میں بھرپور نمائندگی دینے کا فیصلہ کرلیا گیا، صدر پاکستان ، اسپیکرقومی اسمبلی، سینیٹ چیئرمین کاعہدہ اتفاق رائے سے پیپلز پارٹی کو دیا جائے گا۔

ذرائع کے مطابق 9 سے زائد وفاقی وزرا کو کابینہ میں شامل کیا جائے گا اور مشاورت کے بعد وفاقی کابینہ میں ناموں کا اعلان کیا جائےگا۔

ذرائع نے کہا تھا کہ راجہ پرویزاشرف اسپیکر قومی اسمبلی کیلئے متوقع امیدوار ہیں جبکہ سینٹ چیئرمین کیلئے متوقع امیدوار یوسف رضا گیلانی ہوسکتے ہیں۔

Comments

یہ بھی پڑھیں