The news is by your side.

وزیراعظم شہباز شریف کی سیکریٹری جنرل اقوام متحدہ اور بل گیٹس سے ملاقات

نیویارک : وزیراعظم شہبازشریف نے نیویارک میں سیکریٹری جنرل اقوام متحدہ انتونیو گوتریس اور گیٹس فاؤنڈیشن کےسربراہ بل گیٹس سے ملاقات کی۔

تفصیلات کے مطابق وزیراعظم شہبازشریف نیویارک میں اقوام متحدہ کے ہیڈکوارٹرزپہنچے، جہاں سیکریٹری جنرل اقوام متحدہ انتونیو گوتریس سے ملاقات کی۔

ملاقات میں بین الاقوامی صورتحال اورسیلاب کی تازہ صورتحال پرتبادلہ خیال کیا گیا۔

وزیراعظم نے سیکریٹری جنرل اقوام متحدہ کو سیلاب کی تازہ صورتحال سےآگاہ کرتے ہوئے سیلاب سے نمٹنے کیلئے یواین کے بروقت کردار اور امداد کو سراہا۔

شہباز شریف نے جنرل اسمبلی میں سیکریٹری جنرل کی تقریر کے دوران پاکستان کا خصوسی ذکرکرنے پر شکریہ ادا کیا

وزیراعظم کا کہنا تھا کہ سیلاب سے پاکستان کو تیس ارب ڈالر نقصان ہوا، یواین سیکریٹری جنرل جلد ڈونرز کانفرنس بلائیں گے۔

دوسری جانب وزیراعظم سے گیٹس فاؤنڈیشن کے سربراہ بل گیٹس کی بھی ملاقات ہوئی ، جس میں موسمیاتی تبدیلی سے متعلق گفتگو کی گئی۔

ملاقات میں پاکستان میں سیلاب سےنقصانات اورفوڈسیکیورٹی پر بھی تبادلہ خیال کیاگیا۔

Comments

یہ بھی پڑھیں