The news is by your side.

3 ارب ڈالر واپسی کی معیاد میں توسیع، وزیراعظم سعودی قیادت اور حکومت کے شکر گزار

اسلام آباد : وزیراعظم شہباز شریف نے 3 ارب ڈالر واپسی کی معیاد میں توسیع پرسعودی قیادت اور حکومت کا شکریہ ادا کیا۔

تفصیلات کے مطابق وزیراعظم شہباز شریف نے سعودی عرب کی جانب سے 3 ارب ڈالر واپسی کی معیاد میں توسیع کا خیر مقدم کرتے ہوئے سعودی قیادت اور حکومت کا شکریہ ادا کیا۔

شہباز شریف کا کہنا ہے کہ سعودی عرب کے وزیراعظم اور ولی عہد شہزادہ محمد بن سلمان کا خاص طور پر شکریہ ادا کرتے ہیں اور سعودی ولی عہد شہزادہ محمد بن سلمان کی پاکستان سے محبت کی تہہ دل سے قدر کرتے ہیں۔

وزیراعظم نے کہا کہ سعودی عرب نے ایک بار پھر بڑے بھائی کا کردار ادا کیا اور پاکستان سے اپنی بے مثال محبت کا ثبوت دیا ۔

سعودی عرب کے اقدام سے پاکستان کی معاشی صورتحال بہتر بنانے میں مدد ملے گی، پاکستان کی معاشی خود انحصاری اولین قومی ایجنڈا ہے جس کے لئے سیاسی استحکام اور میثاق معیشت وقت کی ضرورت ہے۔

Comments

یہ بھی پڑھیں