The news is by your side.

وزیراعظم شہباز شریف 23 اور 24 اگست کو قطر کا دورہ کریں گے

اسلام آباد : وزیراعظم شہباز شریف قطر کے امیر کی دعوت پر 23 اگست کو قطر کا 2روزہ سرکاری دورہ کریں گے۔

تفصیلات کے مطابق ترجمان دفتر خارجہ کی جانب سے کہا گیا ہے کہ وزیراعظم شہباز شریف 23 سے 24 اگست کوقطر کا 2روزہ سرکاری دورہ کریں گے۔

ترجمان کا کہنا تھا کہ قطر کے امیر کی دعوت پر وزیراعظم قطر کا 2روزہ سرکاری دورہ کررہےہیں، وزیر اعظم کے ساتھ کابینہ کے اہم ارکان اوراعلیٰ سطح وفد بھی جائےگا۔

دفتر خارجہ نے بتایا کہ دورے میں وزیراعظم قطری قیادت سے تفصیلی مشاورت کریں گے جبکہ باہمی دلچسپی کے متعدد علاقائی اور بین الاقوامی امور پر تبادلہ خیال ہوگا۔

ترجمان نے کہا کہ دورے کے دوران توانائی سے متعلق تعاون بڑھانے، تجارتی ،سرمایہ کاری کے تعلقات پرتوجہ دی جائے گی اور قطر میں پاکستانیوں کے لیے روزگار کے وسیع مواقع تلاش کرنے پر خصوصی توجہ ہوگی۔

وزیراعظم دوحہ میں قطری اورپاکستانی تاجروں، کاروباری شخصیات سے بھی ملیں گے۔

دورے کے دوران شہباز شریف دوحہ میں "اسٹیڈیم 974” کا بھی دورہ کریں گے ، جہاں فیفا ورلڈ کپ کی میزبانی کیلئےقطر کی تیاریوں پربریفنگ دی جائے گی۔

ترجمان کا کہنا ہے کہ پاکستان اور قطر کے درمیان قریبی اور خوشگوار برادرانہ تعلقات ہیں۔

Comments

یہ بھی پڑھیں