The news is by your side.

وزیر اعظم شہباز شریف آج سکھر کا دورہ کریں گے

اسلام آباد : وزیر اعظم شہباز شریف آج سکھر، روہڑی، خیرپور، فیض گنج، کوٹ ڈجی اور ٹھری میر واہ کے سیلاب زدہ علاقوں کا فضائی دورہ کریں گے۔

تفصیلات کے مطابق وفاقی وزیر اطلاعات مریم اورنگزیب نے سماجی رابطے کی ویب سائٹ ٹوئٹر پر اپنے بیان میں کہا کہ وزیر اعظم شہباز شریف آج سکھر کا دورہ کریں گے جبکہ روہڑی، خیرپور،فیض گنج ، کوٹ ڈجی ،ٹھری میر واہ کا فضائی دورہ کریں گے۔

اس موقع پر سکھرضلعی انتظامیہ اور پی ڈی ایم اے کے نمائندے ریسکیو ،ریلیف کی مدد بحالی کے لیے جاری کاموں پر بریفنگ دیں گے۔

مریم اورنگزیب کا کہنا تھا کہ وزیر اعظم امدادی کاموں،متاثرین کااحوال جاننےکیلئے ملاقات کریں گے ، اس دوران چیف سیکریٹری اور چیف انجینئر سکھر بیراج بریفنگ دیں گے۔

Comments

یہ بھی پڑھیں