وزیراعظم شاہدخاقان عباسی کراچی پہنچ گئے -
The news is by your side.

Advertisement

وزیراعظم شاہدخاقان عباسی کراچی پہنچ گئے

کراچی : وزیراعظم شاہد خاقان عباسی ایک روزہ دورے پرکراچی پہنچ گئے جہاں وہ امن وامان کی صورت حال پراجلاس کی صدارت کریں گے۔

تفصیلات کے مطابق وزیراعظم شاہد خاقان عباسی آج کراچی میں امن وامان سے متعلق اجلاس کی صدارت کریں گے۔ اجلاس میں وزیراعلیٰ سندھ مراد علی شاہ ، ڈی جی رینجرزسندھ ، آئی جی سندھ شرکت کریں گے۔

اجلاس میں وزیراعظم کو کراچی آپریشن، ترقیاتی منصوبوں، مبینہ مقابلوں سے آگاہ کیا جائے گا، اجلاس میں نقیب قتل اورراؤانوارکی گرفتاری سےمتعلق بھی بات ہوگی۔

وزیراعظم شاہد خاقان عباسی لیاری ایکسپریس وے کے شمالی حصے کا افتتاح کریں گے، وزیراعظم گرین لائن بس، کے فور، سیوریج ایس تھری منصوبوں کاجائزہ لیں گے۔

شاہد خاقان عباسی دورہ کراچی کے بعد گوادر روانہ ہوں گے جہاں وہ ترقیاتی منصوبوں کے حوالے سے اعلیٰ سطح کے اجلاس کی صدارت کریں گے۔


سرکاری پالیسیاں ٹویٹرپرنہیں سرکاری دستاویزات پردی جاتی ہیں: وزیراعظم


یاد رہے کہ گزشتہ روزوزیر اعظم شاہد خاقان عباسی کا کہنا تھا کہ ڈونلڈ ٹرمپ کے ٹویٹ کو امریکا کی سرکاری پالیسی نہیں سمجھا جا سکتا۔ سرکاری پالیسیاں ٹویٹر پر نہیں سرکاری دستاویزات پر دی جاتی ہیں۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Comments

comments

یہ بھی پڑھیں