The news is by your side.

Advertisement

ٹرمپ کا پاکستان مخالف بیان‘ وفاقی کابینہ کا اجلاس آج ہوگا

اسلام آباد : وزیراعظم شاہد خاقان کی زیرصدارت وفاقی کابینہ کا اہم اجلاس آج ہوگا جس میں امریکی صدر ڈونلڈٹرمپ کے بیان پر غور کیا جائے گا۔

تفصیلات کے مطابق وزیراعظم پاکستان شاہدخاقان عباسی نے وفاقی کابینہ کا اجلاس آج طلب کیا ہے جس میں امریکی صدر کے پاکستان کے حوالے سے دیے گئے بیان سمیت جنوبی ایشیا پالیسی کے امور بھی زیرغور آئیں گے۔

ذرائع کے مطابق وفاقی کابینہ کے اجلاس میں ملکی سلامتی کی صورت حال سمیت اہم قومی امور پر غور کیا جائے گا۔


ہم نے امداد دی، پاکستان نے دھوکا دیا، اب ایسا نہیں ہوگا: امریکی صدر


خیال رہے کہ گزشتہ روز امریکی صدر ڈونلڈ ٹرمپ کا کہنا تھا کہ پاکستان امریکی رہنماؤں کو بےوقوف سمجھتا ہے اور امریکہ نے بھی پاکستان کی مدد کرکے بیوقوفی کی۔

دوسری جانب امریکی صدر کے بیان پر وزیرخواجہ آصف نے ٹویٹر پر اپنے پیغام میں کہا تھا کہ ڈونلڈٹرمپ کے بیان پر جلد ردعمل دیا جائے گا اور دنیا کو حقیقت سے آگاہ کیا جائے گا۔

یاد رہے کہ گزشتہ روز پاکستان نے امریکی سفیرڈیوڈ ہیل کو دفتر خارجہ طلب کرکے ڈونلڈ ٹرمپ کے بیان پر شدید احتجاج ریکارڈ کروایا تھا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔

Print Friendly, PDF & Email

Comments

comments

یہ بھی پڑھیں