وزیراعظم شاہد خاقان عباسی نیویارک سے لندن پہنچ گئے -
The news is by your side.

Advertisement

وزیراعظم شاہد خاقان عباسی نیویارک سے لندن پہنچ گئے

لندن : وزیراعظم شاہد خاقان عباسی نیویار سے لندن پہنچ گئے جہاں وہ سابق وزیراعظم نوازشریف کی زیرصدارت اجلاس میں شرکت کریں گے۔

تفصیلات کے مطابق وزیراعظم شاہد خاقان عباسی اقوام متحدہ کے اجلاس میں شرکت کے بعد لندن پہنچ گئے جہاں وہ نوازشریف کی زیرصدارت مسلم لیگ ن کے اجلاس میں شرکت کریں گے۔

ذرائع کا کہنا ہے کہ نوازشریف کی زیر صدرات مسلم لیگ ن کے مشاورتی اجلاس میں ملکی سیاسی صورت حال اور آئندہ کی حکمت عملی پر تبادلہ خیال کیا جائے گا۔

دوسری جانب وزیراعلیٰ پنجاب شہبازشریف آج مسلم لیگ ن کے اجلاس میں شرکت کے لیے لندن روانہ ہوں گے جبکہ وفاقی وزیرخزانہ اسحاق، وزیرخارجہ خواجہ آصف، مریم نواز پہلے ہی لندن میں موجود ہیں۔


بھارت نےمحدود جنگ کی پالیسی نہ بدلی تومنہ توڑ جواب ملےگا‘ وزیراعظم


خیال رے کہ گزشتہ روزوزیراعظم شاہد خاقان عباسی نے اقوام متحدہ کی جنرل اسمبلی کے 72 ویں اجلاس سے خطاب کرتے ہوئے کہا تھا کہ اگر بھارت نے ایل او سی کو پارکرنے کی کوشش کی یا پاکستان کے خلاف محدود جنگ کی پالیسی پرعمل درآمد کیا تو اس کا بھرپور جواب دیا جائے گا۔


لندن: وزیر اعظم شاہد خاقان عباسی اور نواز شریف کی ملاقات


یاد رہے کہ گزشتہ ہفتے وزیر اعظم شاہد خاقان عباسی نے برطانوی دارالحکومت لندن میں سابق وزیر اعظم نواز شریف سے ملاقات کی تھی جس میں ملکی سیاسی صورتحال پر تبادلہ خیال کیا گیا تھا۔


سازشیں ہوتی رہتی ہیں قوموں کو متحد ہو کران کا سامنا کرنا چاہیے، وزیراعظم شاہد خاقان


واضح رہے کہ وزیراعظم شاہد خاقان عباسی نے لندن میں نوازشریف سے ملاقات کے بعد میڈیا سے گفتگو کرتے ہوئے کہا تھا کہ سازشیں ہوتی رہتی ہیں ان سے گھبرایا نہیں جاتا بلکہ ان شازشوں کا مقابلہ کیا جاتا ہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Comments

comments

یہ بھی پڑھیں