The news is by your side.

Advertisement

نگراں وزیر اعظم کا فیصلہ میں اور خورشید شاہ کریں گے، وزیر اعظم

لندن: وزیر اعظم شاہد خاقان عباسی نے لندن میں میڈیا سے گفتگو کرتے ہوئے کہا ہے کہ نگراں وزیر اعظم کا فیصلہ میں اور خورشید شاہ کریں گے۔

تفصیلات کے مطابق وزیر اعظم شاہد خاقان عباسی نے دولت مشترکہ سربراہی اجلاس میں پاکستان کی نمائندگی کرنے کے بعد آج لندن میں گفتگو کرتے ہوئے کہا کہ آئندہ انتخابات وقت پر ہوں گے اور مسلم لیگ ن ہی انتخابات میں کامیاب ہوگی۔

کیا نواز شریف پاکستان واپس آئیں گے یا نہیں، جب سے وہ لندن گئے ہیں یہ سوال تواتر کے ساتھ اٹھ رہا ہے، اس سلسلے میں انھوں نے کہا کہ نواز شریف پاکستان ضرور جائیں گے۔ خیال رہے کہ سابق وزیر اعظم بھی ان دنوں اپنی اہلیہ کے علاج کے سلسلے میں لندن میں قیام پذیر ہیں۔

وزیر اعظم شاہد خاقان نے کہا کہ ن لیگ کا الیکشن میں ایک ہی نعرہ ہے ’ووٹ کو عزت دو۔‘ ان کا کہنا تھا کہ کیا کوئی بھی ایسا شخص موجود ہے جو یہ کہے کہ ووٹ کو عزت نہ دو۔

وزیر اعظم شاہد خاقان عباسی لندن پہنچ گئے

واضح رہے کہ وزیر اعظم شاہد خاقان عباسی کی لندن میں سابق وزیر اعظم نواز شریف کے ساتھ ملاقات ہوئی ہے، اس ملاقات میں نگراں وزیر اعظم کے انتخاب کے متعلق فیصلے پر بھی بات چیت ہوئی۔ سابق وزیر اعظم نے اس ملاقات کی تصدیق کرتے ہوئے کہا ہے کہ ان کے مابین پاکستان کی موجودہ صورت حال پر تفصیلی گفتگو ہوئی۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں