لاہور : وزیراعظم شہبازشریف نے پنجاب کے نگراں وزیراعلی کے نام پر مشاورت کے لئے چوہدری شجاعت حسین ، آصف علی زرداری اور مولانا فضل الرحمان سے رابطہ کیا۔
تفصیلات کے مطابق وزیراعظم شہبازشریف نے نگراں وزیراعلیٰ کے نام کے لیے مشاورت کا آغاز کردیا۔
وزیراعظم شہبازشریف نے چوہدری شجاعت حسین ، آصف علی زرداری اور مولانا فضل الرحمان سے ٹیلی فون پر رابطہ کیا۔
جس میں وزیراعظم نے پنجاب کے نگراں وزیراعلیٰ کیلئے تینوں قائدین سے مشاورت کی ، اس دوران اتحادی قائدین سے ملک کی سیاسی صورتحال پر بھی مشاورت کی گئی۔
وزیراعظم شہبازشریف نے میاں نوازشریف سے بھی رابطہ کیا ، جس میں نواز شریف کا کہنا تھا کہ اتحادی نگراں وزیراعلیٰ کےنام کیلئے ن لیگ پر اعتماد کررہے ہیں، آصف زرداری اور پی ڈی ایم سے مشاورت کے بعد نام دیں۔
خیال رہے آج رات دس بجے تک وزیراعلی اور اپوزیشن لیڈر میں نام پر اتفاق نہ ہوا تو معاملہ الیکشن کمیشن کے پاس چلا جائے گا۔
