The news is by your side.

وزیراعظم نے فلڈ ریلیف فنڈ کے آڈٹ کا اعلان کر دیا

اسلام آباد: وزیر اعظم شہباز شریف نے ’وزیراعظم فلڈ ریلیف فنڈ‘ کے آڈٹ کا اعلان کرتے ہوئے کہا کہ آڈٹ رپورٹ کو پبلک کیا جائے گا۔

وزیراعظم نے اپنے بیان میں کہا کہ آڈٹ اے جی پی آر اور عالمی معیار کے آڈٹ فرم سے کروایا جائے گا، آڈٹ کا فیصلہ شفافیت کو یقینی بنانے کے لیے کیا گیا۔

شہباز شریف نے کہا کہ فنڈ کے لیے ملنے والی اور جاری ہونے والی رقوم کا مکمل آڈٹ کیا جائے گا، آڈٹ رپورٹ کو پبلک کیا جائے گا۔

مزید پڑھیں: ایک پائی بھی غیر مستحق کو نہیں ملے گی، امداد حقدار تک پہنچائیں گے، وزیراعظم

انہوں نے کہا کہ چین کی 100 ملین یوآن امداد کو بڑھا کر 400 ملین کرنے پر چینی صدر کے مشکور ہیں، چینی امداد دونوں ملکوں کے درمیان منفرد تعلقات کی عکاس ہے، امداد سے سیلاب متاثرین کی ضرورت پوری ہوں گی۔

گزشتہ روز غذر میں سیلاب متاثرین سے گفتگو میں وزیراعظم نے کہا تھا کہ ایک پائی بھی کسی غیر مستحق تک نہیں پہنچنے دیں گے، یقین دلاتا ہوں کہ امداد صرف حقدار تک پہنچائی جائے گی۔

شہباز شریف نے کہا تھا کہ سیاست کو بالائے طاق رکھتے ہوئے خدمت پر یقین رکھتے ہیں، 25 ہزار روپے ریلیف کیش فوری طور پر ہر متاثرین کو دیا جا رہا ہے، سیلاب متاثرین کی بحالی تک چین سے نہیں بیٹھیں گے، سیلاب متاثرین کی بحالی کے لیے صوبائی حکومتوں سے مل کر کام کریں گے، یہ سیاست کا نہیں خدمت کا وقت ہے۔

Comments

یہ بھی پڑھیں