The news is by your side.

Advertisement

پاکستان اور سعودی عرب کا رشتہ سات دہائیوں سے ہے، وزیراعظم شہباز شریف

جدہ : وزیراعظم شہبازشریف نے کہا ہے کہ پاکستان اورسعودی عرب کارشتہ سات دہائیوں سےہے، دونوں ممالک نئے اور غیر روایتی شعبوں کی تلاش پرکام کررہے ہیں۔

تفصیلات کے مطابق وزیراعظم شہبازشریف نے دورہ سعودی عرب کے دوران عرب نیوز کو انٹرویو دیتے ہوئے کہا پاکستان اور سعودی عرب کا رشتہ سات دہائیوں سے ہے، دونوں ممالک کے تعلقات کو اسٹریٹجک شراکت داری میں تبدیل کیا جائے گا۔

وزیراعظم کا کہنا تھا کہ پاکستان سعودی عرب کے ساتھ اپنےخصوصی تعلقات کواہمیت دیتاہے، دونوں ممالک نئے اور غیرروایتی شعبوں کی تلاش پر کام کر رہے ہیں۔

روس یوکرین جنگ کے حوالے سے شہباز شریف نے کہا کہ روس اور یوکرین کے حوالے سے پوری دنیا کو تشویش ہے، پاکستان کے دونوں ممالک کے ساتھ اچھے تعلقات ہیں، امید ہے جلد ہی ماسکو اور کیف کے درمیان مذاکرات کا آغاز ہو جائے گا۔

یاد رہے سعودی عرب روانگی سے قبل اہم ویڈیو پیغام میں وزیراعظم شہباز شریف نے کہا تھا کہ میں اپنا پہلا دورہ سعودی عرب کا کررہا ہوں، پاکستان سعودی عرب کیساتھ تعلقات کو خصوصی اہمیت دیتاہے ، حالیہ دورے سے دوستی کا مثالی دور شروع ہوگا۔

وزیراعظم کا کہنا تھا کہ پاکستان سعودی عرب کیساتھ تعلقات کو خصوصی اہمیت دیتاہے، دونوں ملکوں کے تعلقات کی بنیاد باہمی تعاون،اعتماد پر مبنی ہے۔

Comments

یہ بھی پڑھیں