اسلام آباد : وزیراعظم شہبازشریف ایک روزہ دورے پر کراچی روانہ ہوگئے، جہاں وہ نیوکلیئرپاورپلانٹ کےٹواورتھری کا افتتاح کریں گے۔
تفصیلات کے مطابق وزیر اعظم محمد شہباز شریف آج ایک روزہ دورے پر کراچی پہنچیں گے۔
دورے کے دوران وزیراعظم چین کی شراکت سے تعمیر ہونے والے کراچی نیوکلئیر پاور پلانٹ (KANUPP) کے تیسرے یونٹ (K-3) کی افتتاحی تقریب میں بطور مہمان خصوصی شرکت کریں گے۔
اس منصوبے کے آغاز سے کراچی میں نیوکلئیر پاور پلانٹ سے بجلی کی مجموعی پیدوار 2200 میگاواٹ ہو جائے گی۔
وزیر اعظم K-3 پاور پلانٹ کی تختی کی نقاب کشائی کریں گے اور پودا لگائیں گے اور تقریب کے شرکاء سے خطاب بھی کریں گے۔
دونوں پاورپلانٹس چین کےتعاون سے لگائے گئے ہیں اور دونوں پاورپلانٹس میں بجلی کی پیداوار دیگر ذرائع کے مقابلے میں سستی اور قابل اعتماد ہے۔
بجلی کی پیداوارمیں ایٹمی توانائی کاحصہ8.1فیصدہے جبکہ کے ٹو اور کے تھری پاور پلانٹس سے بجلی کی فی یونٹ پیداوار 14 روپے ہے۔
