The news is by your side.

Advertisement

مسلم لیگ ن صحت پر سیاست کی بجائے نواز شریف کی صحت پرتوجہ دے، ترجمان وزیراعظم

اسلام آباد : ترجمان وزیراعظم ندیم افضل چن کا کہنا ہے نواز شریف کی ضمانت پرعدالتی فیصلے کا احترام کرتے ہیں، مسلم لیگ ن بھی صحت پر سیاست کی بجائے نواز شریف کی صحت پرتوجہ دے۔

تفصیلات کے مطابق ترجمان وزیراعظم ندیم افضل چن نے نواز شریف کی درخواست ضمانت پر سپریم کورٹ کے فیصلے پر ردعمل دیتے ہوئے کہا نواز شریف کی ضمانت پر عدالتی فیصلے کا احترام کرتے ہیں، ماضی میں صحت پر سیاست کی نہ ہی اب کریں گے، مسلم لیگ ن بھی صحت پرسیاست کی بجائے نواز شریف کی صحت پر توجہ دے۔

ندیم افضل چن کا کہنا تھا مسلم لیگ ن کے عدلیہ کے حوالے سے بیانات بہتر ہو رہے ہیں، ان کی جانب سے عدالتی فیصلےکا خیر مقدم خوش آئند ہے، امید ہے ن لیگ عدلیہ کے فیصلوں کو آئندہ بھی تسلیم کیا کرے گی، جمہوریت پر مکمل یقین رکھتے ہیں۔

اس سے قبل رہنماپی ٹی آئی عمر چیمہ نے کہا ہم عدلیہ کےفیصلےکااحترام کرتےہیں، حکومت نےملک میں کہیں بھی علاج کرانےکی سہولت دےرکھی تھی، نوازشریف لندن سےعلاج کرانے پر بضد تھے، ہم میاں صاحب کی صحت یابی کے لئے دعاگو ہیں۔

یاد رہے سپریم کورٹ نے نوازشریف کی طبی بنیادوں پرضمانت کی درخواست منظور کرلی، درخواست ضمانت50 لاکھ کے مچلکوں اور 2شخصی ضمانتوں پر منظور کی گئی ۔

مزید پڑھیں : نوازشریف کی درخواست ضمانت 6 ہفتے کے لیے منظور، سزا معطل

عدالت نے نوازشریف کو چھ ہفتے کیلئے ضمانت پر رہا کرنے کا حکم دیتے ہوئے سزا معطل کردی اور ان کے بیرون ملک جانے پر پابندی لگادی۔

Comments

comments

یہ بھی پڑھیں