وزیراعظم عمران خان آج شام قوم کے نام پیغام جاری کریں گے
The news is by your side.

Advertisement

وزیراعظم عمران خان آج شام قوم کے نام خصوصی پیغام جاری کریں گے

اسلام آباد :وزیراعظم عمران خان آج شام قوم کے نام خصوصی پیغام جاری کریں گے، جس میں وہ عوام کو حکومتی کارکردگی سے آگاہ کریں گے۔

تفصیلات کے مطابق وزیراعظم عمران خان آج شام قوم کے نام خصوصی پیغام جاری کریں گے ، وزیراعظم کا پیغام شام سوا 5 بجے نشر کیا جائے گا، جس میں وہ عوام کو اب تک کی حکومتی کارکردگی سے آگاہ کریں گے اور اعتماد میں لیں گے۔

اس سے قبل 7 ستمبر کو وزیراعظم پاکستان نے قوم سے اپنے خطاب میں ڈیم بنانے کے لیے قوم سے مدد مانگی تھی اور پیغام میں کہا تھا پاکستان بہت سے مسائل کا شکار ہے مگر سب بڑا مسئلہ پانی کی کمی ہے، ڈیم بنانا ناگزیر ہوگیا ہے، ڈیم نہ بنائے تو 2025میں پاکستان میں خشک سالی شروع ہوجائے گی، پاکستان میں قحط پڑسکتا ہے۔

مزید پڑھیں : ڈیمز کی تعمیر ، وزیراعظم کی اوورسیز پاکستانیوں سے عطیات کی اپیل

وزیراعظم عمران خان نے اپیل کی ڈیم بنانے کے لئے آج سے جہاد کرنا ہے، اوورسیز پاکستانی کم ازکم ایک ہزارڈالر ڈیم فنڈز میں بھیجیں۔چیف جسٹس اورپرائم منسٹر فنڈزکو ضم کیا جارہا ہے، یقین دلاتا ہوں قوم کے پیسے کی خود حفاظت خود کروں گا۔

اس سے قبل 19 اگست کو وزیراعظم عمران خان کا قوم سے اپنے پہلے خطاب میں کہنا تھا کہ پاکستان کی تاریخ میں کبھی اتنے مشکل مالی حالات نہیں تھے جیسے اب ہیں، حکمرانی کرنے والوں کے رہن سہن سے آپ سب کو بچانا چاہتا ہوں۔

وزیراعظم عمران خان کا کہنا تھا کہ پاکستان میں وزیراعظم ہاؤس کے 524 ملازم ہیں، وزیراعظم ہاؤس 1100کینال پر واقع ہے، وزیراعظم کیلئے33بلٹ پروف سمیت 80گاڑیاں ہیں، ہم ان کو نیلام کرکے اس پیسے کو قوم کے

انھوں نے کہا تھا  کہ سیکریٹریز اور سول انتظامیہ کے پاس بھی بے پناہ مراعات ہیں، وزیراعظم کے بیرونی دوروں65 کروڑ روپے کی خطیر رقم خرچ ہوتی ہے، مغرب میں جانور بھی بھوکے نہیں رہتے وہاں ان کےلئےبھی اسپتال ہیں، ہمارے انسانوں کا حال مغرب کے جانوروں سے بھی برا ہے۔استعمال میں لائیں گے۔

Comments

comments

یہ بھی پڑھیں