The news is by your side.

Advertisement

وزیراعظم آج کن کن منصوبوں کا افتتاح کرینگے؟

اسلام آباد: وزیراعظم عمران خان کے ملک میں کھیلوں کے معیار کی بہتری کا وژن کے تحت خیبرپختونخوا میں کھیلوں کےعالمی معیار کے منصوبے آخری مراحل میں داخل ہوچکے۔

تفصیلات کے مطابق وزیراعظم آج دورہ پشاور میں کھیلوں کے مختلف منصوبوں کا افتتاح کریں گے،منصوبوں پر تعمیراتی کاموں سے متعلق پیشرفت سے وزیراعظم کو آگاہ کیا جائے گا۔

وزیراعظم کو حیات آباد میڈیکل کمپلیکس عالمی معیار کے مطابق بنانے کیلئےحکومتی اقدامات پر بریف کیا جائے گا، وزیراعظم کمپلیکس میں منصوبوں سے متعلق تعمیراتی کاموں کا خود جائزہ لیں گے، اسپورٹس کمپلیکس میں مجموعی طورپر99کروڑ40لاکھ کے منصوبوں پر کام جاری ہے،کمپلیکس میں عالمی معیار کےپویلین،جدید اسکوربور ڈکے منصوبےپر کام تیزی سے جاری ہے۔

Peshawar Sports Complex (Qayyum Stadium) - Sports Facility - Khilari

رپورٹ کے مطابق پشاوراسپورٹس کمپلیکس میں11پچز،16 ہزار کھلاڑیوں کےبیٹھنےکے منصوبے پر بھی کام جاری ہے، حیات آباداسپورٹس کمپلیکس اگلےسال فروری،مارچ تک مکمل ہوگا، حیات آباد کمپلیکس کی تعمیر مکمل ہونےکے بعد پی ایس ایل میچز بھی متوقع ہیں، تعمیر ہونے کے بعد حیات آباد اسپورٹس کمپلیکس پشاور میں عالمی میچز کیلئے دوسرا وینو ہوگا۔

دورہ کے پی میں وزیراعظم صوبے میں اپنی نوعیت کےپہلےسوئمنگ پول کا بھی افتتاح کریں گے، گرم، سرد دونوں موسموں میں سوئمنگ پول تیراکوں کیلئےدستیاب ہوگا، 88ملین روپےکی لاگت سے زیر تعمی رسوئمنگ پول جون2021 میں مکمل ہوگا۔

یہ بھی پڑھیں:  پنجاب، سندھ کے بعد کامیاب جوان پروگرام کی پختونخوا میں بھی انٹری

اس کے علاوہ وزیراعظم 100 ملین روپےکی لاگت سےتعمیرانڈورفی میل جمنازیم کا بھی افتتاح کرینگے،کےپی کے سات ڈویژنل ہیڈکوارٹرز میں انڈور فی میل جمنازیم قائم کیےجائیں گے، منصوبےکےلئے700ملین روپےمختص کئے گئے ہیں، انڈور فی میل جمنازیم خواتین کھلاڑیوں کیلئےسہولیات کی فراہمی کا اہم حصہ ہے۔

اس کے علاوہ وزیر اعظم جلوزئی اور نوشہرہ میں ہاؤسنگ فلیٹس کا افتتاح کریں گے، جہاں وہ الاٹمنٹ لیٹر مالکان کےحوالے کریں گے۔

Comments

یہ بھی پڑھیں