site
stats
پاکستان

وزیراعظم پاک چین دوستی سرنگ کا افتتاح کریں گے

اسلام آباد: وزیراعظم نوازشریف عطاءآباد کے علاقے میں تین روزبعد پاک چین دوستی سرنگوں کے سلسلے کا افتتاح کریں گے۔

ذرائع کے مطابق پاک چین دوستی ٹنلزکا افتتاح 14 ستمبر کووزیراعظم نواز شریف کے ہاتھوں ہوگا۔

پاک چین دوستی ٹنل 24 کلومیٹر پر مشتمل ہے اور قراقرم ہائی وے کا ہی ایک حصہ ہے، اس میں 5 سرنگیں جن کی کل لمبائی 7 کلومیٹر ہے جبکہ 2 پل اور 78 پلیائیں شامل ہیں۔

سال 2010 میں ایک بڑے لینڈ سلائیڈ کے نتیجے میں دریائے ہنزہ کے بہاوٗ کا راستہ بند ہوگیا تھا اورعطاء آباد جھیل وجود میں آئی تھی، اسی لینڈ سلائیڈ کے نتیجے میں پاک چین دوستی ٹنلز کا بڑا حصہ متاثرہوا تھا ۔

مذکورہ منصوبے کو 3 سال کے عرصے میں 275 امریکی ڈالر خرچ کرکے مکمل کیا گیا ہے اور اس کی تکمیل سے وادیٗ گوجل کا رابطہ باقی ماندہ گلگت بلتستان سے استوار ہوجائے گا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top