اسلام آباد : وزیراعظم عمران خان آج نیا پاکستان کارڈ کا اجراء کریں گے، کارڈ پر شہریوں کو آٹا، گھی، تیل اور دالوں کی خریداری پر30 فیصدرعایت ملے گی۔
تفصیلات کے مطابق وزیراعظم عمران خان آج پشاور میں نیا پاکستان کارڈ کا افتتاح کریں گے ، پہلے سے جاری کئے گئے احساس راشن پروگرام ، کسان کارڈ اور صحت کارڈ پلس کو پاکستان کارڈ میں ضم کردیا گیا ہے۔
پاکستان کارڈمیں ہر خاندان اور شہری کا اپنا مخصوص کیو آر کوڈ ہو گا ، جس کےذریعے وہ متعلقہ پروگرام سے فائدہ اٹھا سکے گا۔
معاون خصوصی بیرسٹرمحمدعلی سیف نے کہا ہے کہ ماہانہ 50 ہزار سے کم آمدن والےشہری اس پروگرام کے اہل ہوں گے ، اہل صارفین کو آٹا،گھی،تیل اوردالوں کی خریداری پر 30 فیصد رعایت ملے گی۔
بیرسٹرمحمدعلی سیف کا کہنا تھا کہ احساس راشن پروگرام کا سب سے پہلے صوبہ خیبر پختونخوا سے آغاز ہو رہا ہے، اس پروگرام کے تحت 2 کروڑ خاندان اور تقریباً 13 کروڑ افراد مستفید ہوں گے۔
