اسلام آباد : وزیراعظم عمران خان کا وژن روڈ ٹو مکہ منصوبہ تاریخی حیثیت اختیارکرگیا ، تاریخ میں پہلی مرتبہ عازمین کی امیگریشن اسلام آباد ایئرپورٹ پر ہی ہوگی۔
تفصیلات کے مطابق روڈ ٹو مکہ منصوبے میں اہم پیشرفت سامنے آئی ، وزیراعظم عمران خان کاوژن روڈ ٹو مکہ منصوبہ تاریخی حیثیت اختیار کرگیا ہے، تاریخ میں پہلی مرتبہ عازمین کی امیگریشن اسلام آباد ایئرپورٹ پر ہوگی۔
روڈ ٹو مکہ منصوبہ سعودی امیگریشن کا مزید 8رکنی وفداسلام آبادپہنچ گیا ہے ، سعودی امیگریشن،سی اےاےعملےپرمشتمل 60ارکان پہنچے ہیں۔
اسلام آباد ایئر پورٹ پر عازمین کی امیگریشن کیلئے کاؤنٹر پر سسٹم نصب کردیئے گئے ہیں، 21 ہزار سے زائد عازمین کی امیگریشن خصوصی کاؤنٹر پر کی جائےگی۔
منصوبے کے تحت اسلام آبادایئر پورٹ پر 10 سے زائد کاوٴنٹرز قائم ہیں، اسلام آبادایئر پورٹ پر قائم سسٹم سعودی ایئرپورٹ سے منسلک کر دیاگیا ہے، منصوبہ 2020 میں لاہور، کراچی اور دیگر شہروں سے شروع کیا جائے گا۔
مزید پڑھیں : وزیراعظم عمران خان 5جولائی کو روڈ ٹو مکہ پراجیکٹ کا افتتاح کریں گے
یاد رہے وزیراعظم عمران خان روڈ ٹو مکہ پراجیکٹ کا افتتاح پانچ جولائی کو اسلام آباد ایئرپورٹ پر کریں گے جبکہ پہلی حج پرواز اسی روز عازمین کو لے کر روانہ ہوگی۔
روڈ ٹو مکہ پروگرام کے تحت عازمین حج اپنی امیگریشن اسلام آباد ایئر پورٹ پر کرکے جدہ اور مدینہ ایئر پورٹ پر امیگریشن کے طویل انتظار سے بچ سکیں گے۔
خیال رہےوزیراعظم عمران خان نے سعودی ولی عہد سے پاکستان کو روڈ ٹو مکہ میں شامل کرنے کی درخواست کی تھی، روڈ ٹو مکہ منصوبہ کے تحت رواں سال 90 فیصد پاکستانی عازمین حج کی امیگریشن پاکستان میں ہو گی۔
