وزیراعظم کا دورہ امریکہ سرکاری ہے، قاضی خلیل اللہ -
The news is by your side.

Advertisement

وزیراعظم کا دورہ امریکہ سرکاری ہے، قاضی خلیل اللہ

اسلام آباد: دفترِخارجہ کے ترجمان قاضی خلیل اللہ کا کہنا ہے کہ وزیراعظم کا دورہ امریکہ سرکاری نوعیت کا حامل ہے۔

دفترِخارجہ کے ترجمان نے صحافیوں سے گفتگو کرتے ہوئے ایک سوال کے جواب میں کہا کہ وزیراعظم کے دورے سے متعلق کچھ آرٹیکلز کے ذریعے تنازعات پیدا کئے جارہے ہیں جن کا مقصد قومی اہمیت کے مسائل پر سے توجہ ہٹانا ہے۔

انہوں نے یہ بھی کہا کہ امریکہ نے پاکستان سے کوئی مطالبہ نہیں کیا اوردونوں ممالک کے درمیان اس دورے میں کوئی معاہدہ نہیں ہوا۔

انہوں نے یہ بھی کہا کہ وزیراعظم کسی بھی ملک کے مطالبے منظور نہیں کرتے بلکہ پاکستان کے قومی مفاد کی پالیسی کی حفاظت و ترویج میں یقین رکھتے ہیں۔

ترجمان نے یہ بھی کہا کہ وزیراعظم کے دورہ امریکہ سرکاری نوعیت کا ہے اور اس کا مقصد دونوں ممالک کے درمیان تعلقات کو استحکام فراہم کرنے اورمزید فروغ کے لئے ہیں۔

Comments

comments

یہ بھی پڑھیں