The news is by your side.

Advertisement

وزیراعظم کا نیشنل کمانڈ اینڈ آپریشن سینٹر کا دورہ

اسلام آباد: وزیراعظم عمران خان نے نیشنل کمانڈ اینڈ آپریشن سینٹر کے قیام پر اطمینان کا اظہار کیا۔

تفصیلات کے مطابق وفاقی دارالحکومت اسلام آباد میں وزیراعظم عمران خان نے نیشنل کمانڈ اینڈ آپریشن سینٹر کا دورہ کیا، آرمی چیف جنرل قمر جاوید باجوہ بھی وزیراعظم کے ساتھ تھے۔

وزیراعظم عمران خان کو کرونا وائرس کی تازہ صورت حال پر بریفنگ دی گئی۔وزیراعظم نے نیشنل کمانڈ اینڈ آپریشن سینٹر کے قیام پر اطمینان کا اظہار کیا۔

کرونا وائرس ، وزیراعظم کی شہریوں کو مزید سہولتیں فراہم کرنے کی ہدایت

یاد رہے کہ گزشتہ روز کرونا وائرس کے خطرے کے پیش نظر وزیراعظم عمران خان نے شہریوں کو مزید سہولتیں فراہم کرنے کی ہدایت کی تھی۔

وزیر اعظم کی ہدایت پر وزیراعظم آفس کی جانب سے خصوصی مراسلہ جاری کیا گیا تھا، جس میں کہا گیا تھا کہ سرکاری افسران مسائل کے حل کے لیے شہریوں سے رابطے میں رہیں۔

مراسلے میں کہا گیا تھا کہ ملک میں لاک ڈاؤن کے باعث شہریوں کو مسائل کا سامنا ہے، شہری سیٹیزن پورٹل کا استعمال کر کے شکایات درج کرا رہے ہیں، سرکاری افسران کو گھروں سے کام کے لیے پورٹل کی سہولت میسر ہے۔

وزیر اعظم آفس کا کہنا تھا کہ افسران شہریوں کی شکایات کے ازالے کے لیے اقدامات کریں اور شہریوں کو شکایات کے حل سے متعلق با خبر رکھا جائے۔

Comments

یہ بھی پڑھیں