The news is by your side.

Advertisement

پانامہ لیکس : وزیراعظم اسمبلی میں الزامات کا جواب دیں گے، پرویز رشید

اسلام آباد: وفاقی وزیر اطلاعات و نشریات پرویز رشید نے کہا ہے کہ کل وزیر اعظم پاکستان قومی اسمبلی کے اجلاس میں شرکت کر کے پانامہ پیپرز سے متعلق الزامات کا تفصیلی جواب دیں گے۔

تفصیلات کے مطابق وفاقی وزیر اطلاعات نے برطانوی نشریاتی ادارے کو انٹرویو دیتے ہوئے کہا ہے کہ ’’ پانامہ لیکس پر مخالفین حقائق کو توڑ مروڑ کر پیش کررہے ہیں، وزیر اعظم اس حوالے سے ایوان میں آکر سب کے سامنے حقائق پیش کریں گے۔‘‘

پرویز رشید کا کہنا تھا کہ قومی اسمبلی کے دوران وزیر اعظم پاکستان اپنے اوپر لگائے گئے تمام الزامات کا تفصیلی جواب دیں گے، جس کے بعد واضح ہوجائے گا کہ الزامات بے بنیاد ہیں۔

انہوں نے مزید کہا کہ ایوان کے تقدس کا خیال رکھتے ہوئے وقفہ سوالات میں ہی وزیر اعظم سے سوال کیا جاسکتا ہے۔

اپوزیشن کی جانب سے وزیر اعظم پاکستان کو پانامہ لیکس کے حوالے سے سات سوالات پر مبنی سوالنامہ بھیجا گیا ہے اور مطالبہ کیا گیا ہے کہ وزیراعظم پاکستان ایوان میں آکر تمام سوالات کے جوابات دیں۔

پڑھیں : وزیرِاعظم اسمبلی کے کٹہرے میں،اپوزیشن کے 7 سوالات

 دوسری جانب وزیراعظم کے رفقا ء نے مشورہ دیا ہے کہ اجلاس کی کارروائی کے دوران وزیراعظم پاکستان سوالات کے جوابات نہ دیں بلکہ چیف جسٹس آف پاکستان سے کمیشن بنانے کے حوالے سے گزارش کریں۔

ایوان سے وزیر اعظم کی مستقل غیر حاضری پر اپوزیشن کی جانب سے مسلسل اجلاس کی کارروائی کا بائیکاٹ کیا جارہا ہے اور متحدہ اپوزیشن کے اراکین نے یہ مؤقف اختیار کیا ہے کہ وزیراعظم کی غیر موجودگی میں اُن کا ایوان میں موجود رہنا بے کار ہے۔

مزید پڑھیں : چیف جسٹس کےخط کو اپوزیشن نےاپنی فتح قرار دے دیا

واضح رہے چیف جسٹس آف پاکستان نے حکومتی ٹی او آرز کو مسترد کرتے ہوئے کمیشن بنانے سے بھی معذرت کرلی ہے۔

Comments

comments

یہ بھی پڑھیں