The news is by your side.

Advertisement

دورہ آذر بائیجان،وزیراعظم  کے لیے طیارہ مخصوص،پی آئی اے کا شیڈول متاثر

اسلام آباد : وزیراعظم نواز شریف کے تین روزہ دورہ آذربائیجان کے لیے پی آئی اے کے ائر بس اے 320 طیارے کو طلب کر لیا گیا،طیارہ اسلام آباد سے باکو کی 2 طرفہ پرواز کے لیے مختص ہوگا جس سے پی آئی اے کا فلائٹ شیڈول متاثر ہوگا۔

تفصیلات کے مطابق وزیر اعظم میاں محمد نواز شریف 13 اکتوبر سے 15 اکتوبر تک کے دورہ آذربائجان کے لیے باکو روانہ ہوں گے جس کے لیے پی آئی اے سے طیارہ طلب کرلیا گیا ہے،طیارہ تین دن تک وزیر اعظم کے لیے مختص رہے گا۔

پی آئی اے انتظامیہ کی جانب سے ایئر بس 320 طیارے کو وی وی آئی پی بنانے کے لیے محکمہ انجینئرنگ کو ہدایت جاری کردی گئی ہیں جس کے باعث وزیر اعظم کے تین دن تک زیر استعمال ایئر بس 320 طیارے پر کروڑوں روپے کے اخراجات آئیں گے۔

ذرائع کے مطابق تین روز تک طیارے کی عدم موجودگی سے قومی ائرلائن کا فلائٹ آپریشن متاثر ہونے کا امکان ہے جس کی وجہ سے پی آئے اے کو کروڑوں کے ریونیو کا ممکنہ نقصان ہوسکتا ہے جب کہ باکو ائرپورٹ پر طیارے کی تین روزہ پارکنگ کے بھاری اخراجات بھی پی آئی اے ہی ادا کرے گی، طیارے پر تعینات عملے کے لیے ہوٹل رہائش کی مد میں بھی لاکھوں ادا کیے جائیں گے۔

Comments

comments

یہ بھی پڑھیں