The news is by your side.

Advertisement

یوتھ لون میں‌ 75 فیصد قرضے پنجاب کو دیے گئے، اسٹیٹ بینک کا انکشاف

لاہور: اسٹیٹ بینک نے انکشاف کیا ہے کہ  وزیراعظم یوتھ لون اسکیم کاقرضہ صرف پنجاب میں بٹ گیا۔

تفصیلات کے مطابق اسٹیٹ بینک نے انکشاف کیا ہے کہ یوتھ لون اسکیم کے تحت اکتوبر تا دسمبر 2016 قرضوں میں 107 فیصد اضافہ ہوا، جس میں سے 75 فیصد قرضے پنجاب کو دیے گئے۔

اسٹیٹ بینک اعلامیے کے مطابق نیشنل بینک سے بڑے پیمانے پر قرضوں کا اجرا کیاگیا جبکہ ایم سی بی نے وزیراعظم یوتھ لون اسکیم میں قرضہ جاری ہی نہیں کیا۔

اسٹیٹ بینک اعلامیے میں کہا گیا ہے کہ وزیراعظم یوتھ لون کے لیے 74 ہزار 471 درخواستیں وصول کی گئیں جن میں سے 55 ہزار 838 درخواستیں صرف پنجاب سے آئیں۔ وزیر اعظم یوتھ لون اسکیم کے تحت سندھ کو صرف 8 فیصد جبکہ خیبرپختونخوا کو 9 فیصد قرضے دیے گئے۔

واضح رہے نواز شریف نے اسکیم کا آغاز گزشتہ برس 100 ارب روپے کے بجٹ سے کیا تھا، وزیراعظم کی صاحبزادی مریم نواز اس اسکیم کی سربراہی کررہی تھی تاہم لاہور ہائی کورٹ کی جانب سے وفاقی حکومت کو ان کے ہٹانے کے احکامات کے بعد مریم نواز نے استعفیٰ دے دیا تھا۔

Print Friendly, PDF & Email

Comments

comments

یہ بھی پڑھیں