The news is by your side.

Advertisement

پی ایم ڈی سی چلانے کیلئے ایڈ ہاک کونسل قائم، سپریم کورٹ کا فیصلہ جاری

اسلام آباد : سپریم کورٹ نے پاکستان میڈیکل اینڈ ڈینٹل کونسل کو چلانے کیلئے ایڈ ہاک کونسل قائم کردی، اسلام آباد ہائیکورٹ میں زیرسماعت توہین عدالت درخواست بھی خارج کر دی گئی۔

تفصیلات کے مطابق سپریم کورٹ نے پاکستان میڈیکل اینڈ ڈینٹل کونسل کا مختصر فیصلہ سنادیا، یہ مختصر فیصلہ جسٹس اعجاز الاحسن نے پڑھ کر سنایا، پی ایم ڈی سی کو چلانے کے لیے نو رکنی ایڈ ہاک کونسل قائم کردی۔

فیصلے کے مطابق ایڈہاک کونسل کی سربراہی جسٹس ریٹائرڈ اعجازافضل خان کریں گے، ممبران میں اٹارنی جنرل، سرجن جنرل آفس پاکستان شامل وائس چانسلر نیشنل یونیورسٹی آف میڈیکل سائنسز، وی سی یونیورسٹی آف ہیلتھ سائنسز، وی سی سندھ جناح میڈیکل یونیورسٹی بھی شامل ہوں گے۔

اس کے علاوہ وائس چانسلر خیبر میڈیکل یونیورسٹی بھی ایڈ ہاک کونسل کے ممبر ہوں گے، وی سی شہید ذوالفقارعلی بھٹو میڈیکل یونیورسٹی اور وی سی بولان میڈیکل یونیورسٹی، پرنسپل مونٹ مورینسی کالج آف ڈینٹسٹری لاہور بھی ایڈ ہاک کونسل میں شامل ہیں۔

علاوہ ازیں اسلام آباد ہائیکورٹ میں زیرسماعت توہین عدالت درخواست بھی خارج کر دی گئی۔

 

Comments

یہ بھی پڑھیں