The news is by your side.

Advertisement

کہروڑپکا: پی پی 226 پردوبارہ گنتی‘ن لیگ کے شاہ محمدجوئیہ پھرکامیاب

کہروڑ پکا: صوبہ پنجاب کے حلقہ پی پی 226 کہروڑ پکا میں دوبارہ گنتی پرمسلم لیگ ن کے شاہ محمد جوئیہ پھرکامیاب قرار پائے۔

تفصیلات کے مطابق پاکستان تحریک انصاف کے امیدوار فراز نون نے کہروڑ پکا کے حلقہ پی پی 226 میں دوبارہ گنتی کی درخواست دی تھی۔

فریقین کی موجودگی میں ووٹوں کی دوبارہ گنتی پرمسلم لیگ ن کے شاہ محمد جوئیہ دوبارہ فاتح قرار پائے۔

خیال رہے کہ مسلم لیگ ن کے شاہ محمود جوئیہ 41 ہزار 835 ووٹ لے کرجیت گئے تھے جبکہ پاکستان تحریک انصاف کے امیدوار فراز نون نے 39 ہزار 374 ووٹ لیے تھے۔

دوسری جانب ریٹرننگ آفس میں پی پی 270 میں ہارے ہوئے آزاد امیدوار عبدالحئی کی درخواست پردوبارہ ووٹوں کی گنتی ہوئی جس میں عبدالحئی 17 ووٹوں سے کامیاب ہوئے۔

پی پی 270 کے حلقے میں دوبارہ گنتی میں آزاد امیدوار عبدالحئی نے 17717 جبکہ مخالف امیدوار اجمل چانڈیہ نے 17700 ووٹ حاصل کیے۔

علیم خان اورجہانگیرترین کے آزادامیدواروں سےکامیاب رابطے

واضح رہے کہ 26 جولائی کو عوامی راج پارٹی کے امیدوار اجمل چانڈیہ کو کامیاب قرار دیا گیا تھا۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں