لاہور : مسلم لیگ ن نے 17 جولائی ضمنی الیکشن میں ہارنے والوں کو ٹکٹ نہ دینے کا فیصلہ کرلیا۔
تفصیلات کے مطابق پنجاب میں پی ٹی آئی کے 25 منحرف ارکان کا سیاسی مستقبل تاریک ہوگیا۔
ذرائع نے بتایا ہے کہ ن لیگ نے 17 جولائی ضمنی الیکشن میں ہارنےوالوں کوٹکٹ نہ دینے کا فیصلہ کرلیا ہے۔
ذرائع کا کہنا ہے کہ لیگی رہنماؤں نے اعتراض اٹھایا ہے کہ منحرف ارکان کو ٹکٹس دینے سے پنجاب ہاتھ سے نکل گیا، ضمنی الیکشن میں ن لیگ اپنے امیدوار لاتی تو صورتحال مختلف ہوتی۔
یاد رہے مسلم لیگ ن نے پنجاب میں پارلیمانی بورڈ بنانے پر کام شروع کر دیا ہے ، پارلیمانی بورڈ پنجاب میں الیکشن کیلئے امیدواروں کے انٹرویو اور ٹکٹ کا فیصلہ کرے گا۔
ذرائع کا کہنا تھا کہ ن لیگ نے فعال کردار ادا نہ کرنیوالے ممبران اسمبلی کو ٹکٹ نہ دینے کا فیصلہ کیا ہے۔
Comments
- Advertisement -
