The news is by your side.

مسلم لیگ ن کا تحریک انصاف سے ورکنگ ریلیشن شپ بہتر کرنے کا فیصلہ

لاہور : وفاقی حکومت پنجاب اور کے پی میں تحریک انصاف کے ساتھ مل کر چلنے کی خواہاں ہے، گورنر پنجاب بلیغ الرحمان نے صوبائی کابینہ سے حلف لینے کا فیصلہ کرلیا۔

تفصیلات کے مطابق مسلم لیگ ن نے تحریک انصاف سے ورکنگ ریلیشن شپ بہتر کرنے کا فیصلہ کرلیا۔

ذرائع کا کہنا ہے کہ اس سلسلے میں گورنر پنجاب بلیغ الرحمان نے صوبائی کابینہ سے حلف لینے کا فیصلہ کرلیا، حلف برداری کی تقریب کل ہوگی۔

ذرائع نے بتایا ہے کہ وفاقی حکومت پنجاب اورکے پی میں ساتھ مل کر چلنے کی خواہاں ہے۔

خیال رہے پنجاب میں 21 رکنی صوبائی کابینہ کا کل شام حلف اٹھائے جانے کا امکان ہے، پنجاب کابینہ کی حلف برداری کیلئے وزیراعلیٰ ہاؤس نے گورنر پنجاب بلیغ الرحمان سے رابطہ کیا گیا تھا۔

پہلے مرحلے میں حلف اٹھانے والی 21 رکنی کابینہ میں یاسمین راشد، میاں اسلم اقبال، محمودالرشید، راجہ یاسر ہمایوں، ہاشم دوگر، ڈاکٹر مراد راس، بشارت راجہ، خرم ورک، ہاشم جواں بخت اور فیاض الحسن چوہان سمیت دیگر ارکان شامل ہیں۔

Comments

یہ بھی پڑھیں