The news is by your side.

Advertisement

مسلم لیگ ن کا ٹرانسپرنسی انٹرنیشنل کی رپورٹ قومی اسمبلی میں زیرِبحث لانے کا فیصلہ

اسلام آباد : مسلم لیگ ن نے ٹرانسپرنسی انٹرنیشنل کی رپورٹ قومی اسمبلی میں زیربحث لانے کا فیصلہ کرتے ہوئے تحریک التواجمع کرادی، جس میں کہا ہے کہ کرپشن کرنے والے ممالک میں پاکستان کا نمبر117 سے گر کر 124ہوگیا ہے۔

تفصیلات کے مطابق مسلم لیگ ن نے ٹرانسپرنسی انٹرنیشنل کی رپورٹ قومی اسمبلی میں زیربحث لانے کا فیصلہ کرلیا ، اس سلسلے میں ن لیگی ارکان نے کرپشن میں اضافے پر قومی اسمبلی میں تحریک التواجمع کرادی ہے۔

تحریک التوا میں کہا گیا ہے کہ کرپشن کرنے والے ممالک میں پاکستان کا نمبر117 سے گر کر 124ہوگیا، 2018 کے بعد پاکستان کے کرپٹ ملک ہونے کے اثر میں 7درجےاضافہ ہوچکا ہے۔

تحریک التواشاہدخاقان، راناثنااللہ، عائشہ غوث بخش کے دستخط سے جمع کرائی گئی جبکہ مریم اورنگزیب، رومینہ خورشیدعالم اور شزہ خواجہ کے بھی تحریک التوا پر دستخط موجود ہیں۔

یاد رہے ٹرانسپرنسی انٹرنیشنل نے قومی احتساب بیورو (نیب) کی گزشتہ 2 سالہ کارکردگی کو قابل تعریف قرار دیا تھا، چیئرمین ٹرانسپرنسی انٹرنیشنل پاکستان کے چیئرمین سہیل مظفر کا کہنا تھا کہ نیب کی غیر معمولی کوششوں سے 2 سال میں 363 ارب روپے وصول کیے گئے اور قومی خزانے میں جمع کروائے گئے۔

نیب نے ٹرانسپرنسی انٹرنیشنل پاکستان کی تعریف کا خیر مقدم کرتے ہوئے کہا تھا کہ نیب چیئرمین جسٹس (ر) جاوید اقبال کی قیادت میں بڑی مچھلیوں کو کٹہرے میں لانے پر یقین رکھتا ہے۔

Comments

یہ بھی پڑھیں