The news is by your side.

ن لیگ کی اسپیکر پنجاب اسمبلی کے الیکشن کے خلاف ایک اوردرخواست دائر

لاہور : مسلم لیگ ن نے اسپیکر پنجاب اسمبلی کے الیکشن کے خلاف ایک اوردرخواست دائر کردی۔

تفصیلات کے مطابق ن لیگ نے اسپیکر پنجاب اسمبلی کےالیکشن کے خلاف ایک اوردرخواست دائر کردی، درخواست میں سبطین خان سمیت دیگر کو فریق بنایا گیا ہے۔

درخواست میں مؤقف اپنایا گیا کہ اسپیکر پنجاب اسمبلی کے الیکشن میں قانونی تقاضے پورے نہیں کیے گئے، اسپیکر پنجاب اسمبلی کے الیکشن خفیہ رائے شماری کے ذریعے ہوتی ہے۔

دائر درخواست میں کہا گیا کہ بیلٹ پیپرز پر سیریل نمبر درج کرنا آئین و قانون کے خلاف ہے۔

درخواست میں استدعا کی گئی کہ لاہور ہائی کورٹ اسپیکر پنجاب اسمبلی کے انتخاب کو کالعدم قرار دے اور عدالت اسپیکر پنجاب اسمبلی کا انتخاب دوبارہ کرانے کا حکم دیا جائے۔

اس سے قبل 30 جولائی کو مسلم لیگ ن نےاسپیکر پنجاب اسمبلی کا الیکشن چیلنج کیا تھا۔

واضح رہے تحریک انصاف اور ق لیگ کے مشترکہ امیدوار سبطین خان اسپیکر پنجاب اسمبلی منتخب ہوئے تھے۔

تحریک انصاف کے سبطین خان نے 185 ووٹ حاصل کیے جبکہ اپوزیشن اتحاد کے سیف الملوک کھوکھر 175 ووٹ حاصل کرسکے تھے۔

بعد ازاں مسلم لیگ ن کے رہنما حمزہ شہباز نے اسپیکر پنجاب اسمبلی کے الیکشن کو چیلنج کرنے کا اعلان کردیا۔

Comments

یہ بھی پڑھیں