The news is by your side.

Advertisement

مسلم لیگ ن کے رہنما احسن اقبال کو ٹائیگر فورس کنونشن میں شرکت کی دعوت

نارووال: ڈپٹی کمشنر نارووال نے مسلم لیگ ن کے رہنما احسن اقبال کو ٹائیگر فورس کنونشن میں شرکت کی دعوت دے دی، عثمان ڈار نے کہا کہ احسن اقبال آئیں اوراور نوجوانوں کاجوش و جذبہ اپنی آنکھوں سےدیکھ لیں۔

تفصیلات کے مطابق نارووال میں ن لیگی رہنما احسن اقبال کو ٹائیگر فورس کنونشن میں شرکت کی دعوت دے دی گئی، ڈپٹی کمشنرنارووال نے احسن اقبال کو خصوصی خط لکھا ، جس میں کنونشن میں شرکت کی دعوت دی۔

نارووال اسپورٹس جمنازیم میں تقریب کی تیاریاں مکمل ہیں اور پنڈال سج گیا ہے، وزیراعظم کےمعاون خصوصی عثمان ڈارٹائیگر فورس کنونشن میں شرکت کریں گے۔

احسن اقبال کو بطور ایم این اےاور ضلعی کمیٹی کارکن ہونے کی وجہ سے دعوت دی گئی، نارووال میں ٹائیگر فورس ایپ اور گرین فورس کا اجرا کیا جائے گا۔

معاون خصوصی عثمان ڈار نے کہا ہے کہ احسن اقبال سےدرخواست ہے نوجوانوں کی حوصلہ افزائی کےلیےتشریف لائیں، وہ کافی دنوں سے پوچھ رہے تھے ٹائیگر فورس کہاں ہے؟

عثمان ڈار کا کہنا تھا کہ ٹائیگر فورس آپ کے ہوم گراونڈ پر پہنچ چکی ہے، احسن اقبال آئیں اوراور نوجوانوں کاجوش و جذبہ اپنی آنکھوں سے دیکھ لیں۔

Comments

یہ بھی پڑھیں