site
stats
پاکستان

تاثر دیا جارہا ہے کہ ن لیگ اداروں کی تذلیل کررہی ہے جبکہ تذلیل اوروں نے کی، دانیال عزیز

اسلام آباد : مسلم لیگ ن کے رہنما دانیال عزیز کا کہنا ہے کہ آج حسن نواز بیرون ملک سے آکر جےآئی ٹی میں پیش ہوگئے ہیں جبکہ عمران خان انسداد دہشت گردی عدالت کے اشتہاری ہیں۔

تفصیلات کے مطابق وزیراعظم کے صاحبزادے حسن نواز کی جے آئی ٹی میں پیشی کے موقع پر میڈیا سے گفتگو کرتے ہوئے دانیال عزیز نے کہا کہ اپوزیشن کہتی ہے ن لیگ اداروں کے خلاف منفی بات کرتی ہے، ہم اپوزیشن کے الزامات کو مسترد کرتے ہیں، 2014 سے حکومتی اداروں کی تضحیک کی جارہی ہے۔

دانیال عزیزکا کہنا تھا کہ یہ تاثر دیا جارہا ہے کہ ن لیگ اداروں کی تذلیل کررہی ہے  حکومتی اداروں کی تذلیل اوروں نے کی ہے۔

دانیال عزیر نے کہا کہ عمران خان نے کہا حکومت نے مجھے 10ارب روپے آفر کی، اسلام آباد میں پولیس کو مارا گیا،عمران خان کے خلاف مقدمہ درج ہوا، ن لیگ نے ثابت کیا اداروں کیلئے کسی قسم کی کوئی بات نہیں، ایک شخص نے اداروں کیخلاف شرمناک زبان استعمال کی، مسلم لیگ (ن)اداروں کے احترام پر یقین رکھتی ہے۔

مسلم لیگ ن کے رہنما کا کہنا تھا کہ کمیشن بنانے کے بائیکاٹ کا اعلان ایک جماعت نے کیا، ن لیگ نے درخواست کی مخالفت نہیں کی تھی، کمیشن کے بجائے جے آئی ٹی بنی، ہم پیش ہوتے رہے، عمران خان کے دونوں وکلا نے کہا فارن فنڈنگ ہوئی، ایک طرف اقبال جرم ، دوسری طرف پکوڑوں کاغذ ہیں۔

انھوں نے مزید کہا کہ ہمارا حق اپنی جگہ موجود ہے، اپنے آئینی اور قانونی حق کے لیے آواز اٹھاتے رہیں گے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top