ن لیگ کے اسماعیل راہو کا پیپلز پارٹی میں شمولیت کا اعلان -
The news is by your side.

Advertisement

ن لیگ کے اسماعیل راہو کا پیپلز پارٹی میں شمولیت کا اعلان

کراچی : سلم لیگ ن کی ایک اور وکٹ گرگئی، ن لیگ کے اسماعیل راہو نے پیپلز پارٹی میں شمولیت کا اعلان کردیا ہے۔

تفصیلات کے مطابق سابق صدر اور پیپلز پارٹی کے شریک چیئرمین آصف علی زرداری سے مسلم لیگ ن سندھ کے اہم رہنماؤں کا رابطہ ہوا ہے، آصف زرداری مئی کے پہلے ہفتے راہوکی میں جلسے سے خطاب کرینگے۔

ذرائع کا کہنا ہے کہ جلسے میں ن لیگ کے اسماعیل راہو پیپلز پارٹی میں شمولیت اختیار کرینگے۔

سابق صدر ن لیگ سندھ اسماعیل راہو نے کہا ہے کہ پیپلز پارٹی قیادت سے رابطہ ہوا ہے، آصف زرداری کو جلد جلسے سے خطاب کی دعوت دوں گا۔

خیال رہے کہ اس سے قبل مسلم لیگ (ن) کی مرکزی قیادت نے مسلم لیگ (ن) سندھ کے صدر محمد اسماعیل راہو کو پیپلز پارٹی میں شمولیت کی کوششوں کے بعد عہدے سے ہٹا کر ان کی جگہ صدر ڈسٹرکٹ بار لاڑکانہ بابو سرفراز جتوئی ایڈووکیٹ کو مسلم لیگ (ن) سندھ کا نیا صدر مقرر کردیا ہے، اسماعیل راہو جام صادق علی اور لیاقت علی جتوئی کی کابینہ میں وزیر کی حیثیت سے ذمہ داریاں نبھا چکے ہیں۔


مزید پڑھیں: مسلم لیگ ن کی ایک اور وکٹ گرگئی، امداد چانڈیو پیپلز پارٹی میں شامل


یاد رہے کہ مسلم لیگ ن کے رہنما امداد چانڈیو نے پیپلز پارٹی میں شامل ہونے کا عندیہ دیدیا ، امداد چانڈیو نے فریال تالپور سے ملاقات  میں پی پی میں شمولیت کا اعلان کیا تھا، امداد چانڈیو کا مسلم لیگ ن سندھ کے انتہائی سینئر رہنماؤں میں شمار ہوتا تھا۔

 

Comments

comments

یہ بھی پڑھیں